聖經堂,陳sir好開心咁入黎,

跟住拎左兩張係我地班某人寫俾佢的心意紙,

話估唔到連聖經科都會有兩張心意紙,

^^..其實有張係我寫俾佢!

科學堂,ms kwok一入黎,

就派左兩份小測俾我地,

做完之後都已經一堂了,

但係成績不如理想- -"

第一個小息,俾winnie嗌左出去,

聽足成個小息,聽佢話師兄好中意食咩,

咁岩我又淨係識做個樣,好開心呀!!- -"

我為左配合氣氛,我就嗯...哦....係!

去到2樓,完左個小息佢就上左去,

但我聽到佢話:「第二個小息再傾!」=口="

音樂堂,知道的小測,

測完──唔好彩,29/30

點解錯左一個呀!!!!!!!!!

中文堂,ms lau返左黎,

但係點解好似無乜病的感覺,

無理由一日就會痊癒!?好神奇!

一開始就抽人朗讀,珊姐唔好彩一抽就俾佢抽到,

之後到毛毛,小濤子,馬仔,小肥,

阿爺好彩,成為我地聽日的壓軸!!^^

第二個小息,我匿埋左係一個好隱蔽的地方食糖,

食晒曾浩成包糖^^"

數學堂,見ms lam咁耐都未黎,

以為佢又無返,但係過多一陣佢就黎到,

之後佢話:「可能係寫錯野,尋日李sir話大家做左12e,

但其實我想大家做埋12d!」

個刻我先知,原來我尋日打錯個sir個名- -"

之後我地做左成兩堂作業!勁呀!

我地教晒書啦!!!!!!數學果然是最好的!

午膳,因為我唔食野,

我襯呢段時間去做珊姐俾我的問卷,我係問人的!!

我一落去就搵我家姐幫我做,

我去到佢班房,我同佢講:「家姐,我有野想搵你幫手!」

佢同我講:「我唔得閒喎!」但個陣我明明見到佢好得閒咁畫黑板,- -"

之後阿沾話幫我做,我家姐就衝過黎講:「你係佢家姐咩?!」

我覺得好好笑,之後我家姐幫我做左之後,

(其實仲有一個佢的男同學幫我做埋!)

佢幫我搵埋佢d同學做,我超感激呀!!

之後仲有其他個d我搵左曾浩佢地,阿叉同winnie,

仲有黃曉聯同一個我識佢,

但我唔知個名同一個都係唔識佢個名的中二生做問卷調查,

最後我終於做左20人的問卷調查啦!!^^

放左學,同阿叉和winnie打波,

不過我嫌winnie個排球好臭,

我去學生會借波,但係winnie泵得個波超硬,

打得超痛,之後阿叉走先,

再之後我同winnie都走左去7仔食野,

我想講的係:「你師兄真係好靚仔呀!」呢句,

係我耳海中迴響了十萬多次了,

我聽到厭啦!救命呀!!=口=""""