6/6/2008

今日好早就起身同阿媽飲茶,

出門時拎左把迷你縮骨遮,

之後我地飲完茶,我諗住返學補課,

我開左把遮,把遮真係無改錯名,

真係超迷你- -"

迷你到淨係岩d BB用,

之後我阿媽俾左佢把俾我用,

返到學,見到雯同琴佢地,

但唔知點解雯佢一路嗌一路走,

原來佢地見到小強,講真隻小強真係好大隻,

我都好驚..- -"

ophelia黎到之後,余sir無啦啦出現,

叫我地上去課室,

之後我地上完通識同中史之後,

我返返屋企,係屋企呆左幾個鐘頭之後,

又換校服返學校,過左天橋之後,

遇到楊靜同其他師妹,去到學校音樂室,

我同其中一個師妹玩打手板,- -"

我好有童真!yeah!

之後ms lau同周太黎到我地練左一陣歌,

跟住又去禮堂練,然後班老師又練歌,

唔知點解,佢地唱得好過我地,

然後我地又練歌個陣,我見到棠學長,

我好遠距離都見到佢,我超勁呀!!

之後返到音樂室,呆左一粒鐘出去唱,

上左台,嘩.......超多人,

但係唔怯場!YO!

然後又返到音樂室,呆左兩個鐘先完左畢業典禮,

我同琴同婷同寶君衝左落去食野,

琴同婷狂拎野食,(其實我有份叫佢地拎!- -")

然後食唔晒,我地猜包剪揼決定誰食,

我輸左一次喳,但係琴輸左好多次,

要食好多..^^

臨走個陣,諗住搵家姐一齊走,

所以搵左沾問,先知今日係佢生日,

好對唔住,我唔知道今日係你生日!

之後我自己一個人走,行到去天橋,

又見到winnie,佢換左衫,

但唔知點解佢又要行上黎天橋跟住又落返去,

返到屋企,好攰...訓左覺!

7/6/2008

今日好早起身沖涼,沖完涼做左份dream job宣傳單,

然後睇極道鮮師3,但係愈睇愈無聊,

(佢套套模式都一樣!- -")

所以唔睇,諗住溫書但係真係唔想溫,

心中交戰,我投降了!我唔溫.....

之後睇左尋日的師奶股神同法證先鋒II

今日情緒真係唔知點,好想搵個理由喊,

但係無地方俾我喊!