今日出門口個陣,個天好黑,

但係我無帶遮,因為懶..

而且諗住唔會咁快就落雨,

但係去到天橋個到,個天就開始落起微微雨,

行完天橋佢仲好似愈落愈大咁,

我嗱嗱霖跑到去翠榕樓個到避雨,

但係去到翠榕樓d雨就停左,

真係俾佢激死,- -""

\-口-/\-口-/\-口-/\-口-/\-口-/\-口-/\-口-/\-口-/\-口-/\-口-/\-口-/

中文堂,其實唔明劉老師所謂的貼士有咩用,

講左好似無講咁- -"

仲有呀!考試先黎俾功課,唔通連劉老師你都唔妥我地?!

唉....唔想作文呀!!考試嘛!><""

英文堂,最近我發現一樣野,

原來個次之後我好少打羅白了,

但係就同佢傾左好多好多計,

上至天文,下至地理,我地都無傾過,

我地都係傾d無聊野!

羅白感冒,d鼻音重到死- -"

「歌星」都可以講成「個性」-口-"

電腦堂測驗,無睇清楚份卷,

相信做漏左好多野,唉....又可能肥佬!

普通話堂繼續口試,但我已經考左*.*"

午膳陪了阿叉同winnie食晏,

(形容詞)的winnie成日映我相,

我遲d會問佢拎返版權費!!

上左班房,驚聞一件事,

羅白大戰靖儀妹,最終羅白戰敗,

俾靖儀妹狂打三巴,佢塊面成了澳門勝地─「大三巴」

隻眼都腫埋,都話你啦羅白,

「寧得罪小人←(在指某矮人),莫得罪女人!」

唉.....今次我都唔幫你了!

跟住"靜雞雞'拎左曾浩一粒糖食,

澳.....佢O左咀!

reading time,發生左一件事,

我為了幫余詠珊,俾ms lam認定係幫兇呀!!><""

(ms lam都係講下笑咁...^^)

最後兩堂都無也好講,講放學之後,

放學之後,已經見到winnie係門口等我,

佢話:「都話我一定快過你啦!」

但係之後佢加多一句....「但係我今日好似遲到!」

咁即係話,都係要遲走- -"

等左好耐,例派菜,去7仔食野,

食野個陣唔知點解好靜,

一句野都無講過,靜得好得人驚,

之後走個陣都係無講野,一路靜....靜

返到屋企第一件事係換衫,

然後第二次事就係拎英文書出黎溫呀!

而家溫完啦!就算有咩差錯,我都問心無愧!