今日特登叫阿媽早點叫我起身,

所以我今日6點9就起左身換完衫就出門口,

之後差唔多返到學校個陣,見到馬仔,

跟住入左學校之後,坐低溫書,

又見到廖達成,(原來好多人都咁早返黎的。)

之後無啦啦好大風喎,

(我坐個到好食風,不過今日咁熱,最好有風啦!!)

跟住個天就嗶呢爸啦咁落雨喎,

超大雨,但係有時又變細雨,

之後小肥,毛毛,曾浩,余詠珊都返埋黎,

佢地都有點濕,哈哈....好彩今日早返左,

之後到8點,我地去集合,

集完合就上考場開考,拎到份卷之後,

其實好感安慰因為我有溫書,

今次作文無上次咁驚,雖然我知有點字同語法都有錯,

但我開心的我真識做,

今次成績如果合格,我會開心到爆..

之後考閱讀理解,講真其實我這part溫左書,

我都係唔識,因為佢出個點同ms教的好大分別,

消化唔到呀!唉......盼望聽日中文唔好咁多分別吧!