今日落左樓之後先落超大雨,

好彩..有帶遮!!

一路上都無乜識得的人,入左學校之後,

我一擰轉頭就見到馬仔係我後面,

後尾又見到啤梨返黎,

之後就係小肥同曾浩出現,

小肥好濕,點解呢?!因為佢乜都無帶,

啲文具係有帶,但係最緊要佢兩手空空,

佢無帶遮嘛!跟住落雨個陣,

我諗個陣的情況,係佢見到曾浩,

衝左埋去叫曾浩遮埋佢,結果搞到曾浩都濕左啲,

^^....之後唔知點解,我同馬仔開左把遮擺係地下吹乾佢,

但係後尾啲人返晒黎,地下啲遮愈黎愈多,

多到行都行唔到- -"

*=*=*=*=*=*=*=*=*=*=*=*=*=*=*=*=*=*=*=*=*=*

好喇!考試......今次係張sir監堂,

講真,其實我覺得今次張sir好惡,

惡得都有點似陸sir!- -"

(唔通係孺子可教也!?)

科學呀!!d圖唔識畫,畫到錯鬼晒,

拎返份卷返黎都唔知點面對..><""

仲有呀!石腦油都好問,搞到我無做個題,

傻架.....!!!!

英文聆聽,哈哈.....

同你講呀!本來我都好有信心會做到,

因為有個本date file,

但係一開卷,我可以同你講,

唔識做呀.......................

都傻傻地架,講得咁鬼死快,

趕住投胎咩?!- -"

一條想做都做唔落手,之後完左,

位位同學都向老師講,老師好難呀!

講得咁快點做呀!

所以我同大家講:「好野,全級唔合格了!」

咁樣學校會唔會取消呢份卷呢?!

*=*=*=*=*=*=*=*=*=*=*=*=*=*=*=*=*=*=*=*=*=*

放學個陣仲落緊好大雨,

咁我咪用遮,之後成班男仔係我後面,

曾浩、小肥、阿爺仲有盧仔,

咁個陣我唔知點解好興奮,

跟住就無啦啦整d水落阿爺同曾浩,

一路上成個傻婆咁係到笑,

見到羅白把遮咁大把,

我鑽左入去,但係死羅白推返我出黎,

搞到我濕晒,之後返到屋企,

成身濕晒,連對鞋都水浸呀!!

哈哈......