羅白終於返黎啦!不過佢好似唔記得左佢講過d咩!

(羅白,做人要有始有終,講得出做得到,不過做還做,

我會唔會阻止你都係另一回事!^^)

無見羅白一日特別想同佢玩,

所以我就係英文堂成日都用紙彈羅白,

彈左好多次都唔中佢,不過有一次,

個紙係羅白的上空擦過,已經嚇窒左羅白,

之後我用左五級程度黎彈羅白,

點知中左羅白個額頭,羅白想彈返我,

但係我旁邊的曾浩拎左條橡根走,

哈哈.....羅白你彈唔到我嫁!!

(同左羅白做同學之後,我發現自己成為左一個虐待狂- -")

之後體育堂個陣,初初上堂係唔見左成班D班,

所以我地A班就考手球先,

順利.......之後自由活動,

我本來同mia打排球,但之後我就同左牆練上手,

練開波.....之後我去左練手倒立同側手翻,

手倒立我okay呀!!不過要人扶,

考試個陣會俾老師扣分呀><""

但係側手翻個到我得左呀!!唔係用長椅個隻呀!!

超勁呀!!*>V<*

之後呢,我見到琴琴佢地練緊舞,我走左去搗亂,

跳左一隻我自己唔笑,但搞到各位都笑的舞,

口號:「1 2 3 4 1 2 3 4 Baby.........!」

↑要用追蹤迷魂步的喔!!

中史堂個陣,不斷做工作紙,

余sir話中史堂得返兩堂,如果唔教快d會教唔晒要考試個d,

唉.....世史又話要快,中史又話要快,

咁邊科唔使快呀?!我諗唔係要考慮使唔使補課,

係一定補硬課!

午膳個陣無落操場,

去左一個好隱蔽的地方做中史工作紙,

順便去埋合唱團,完左合唱團之後,

返左課室之後我即刻訓著左,

訓左成個閱讀堂之後,ms lam又俾左5分鐘我地休息,

所以數學堂個陣我好精神,聽得明直線坐標,

不過我隔離的珊珊就唔掂了,佢今朝已經死死下,

午膳之後情況都無好轉,佢真係要好好咁休息!