今日已經係星期五啦!

我仲未做晒功課,

救命呀!

我愈黎愈懶啦!

現家日日都12點幾先起身,

起身之後就開電腦,

睇我和殭屍有個約會II,

我到底可唔可以做晒D功課呀?

~~~~~~~~~~~~~~~~~~~~~~~~~~~~~~~~~~~~~~~~~~~~

最近我都諗緊一件事,

到底戀愛係咪就好似現代青少年咁樣,

只係好簡單咁講句我好中意你,

或者做我女朋友,

一段戀愛就會開始,

亦或者戀愛只係藉口,

其實係想發生關係就真?!

我發左個唔係咁現實的夢,

當時我係學校,

突然有個男仔係我面前,

佢跪係度吻了我的手背一下,

佢話好中意我,

想我做佢女朋友,

但我無答返佢,

佢好失望咁望住我,

佢同我講,

"只要一日,一日都好,

做我女朋友呀!

今日我已經係最後一日係度啦!

我以後都唔會再有時間見你!"

我猶豫左一陣,

最後我望住佢,

唔知點解向佢微笑左一下,

之後我就見到佢好開心咁笑,

我就同佢講,

"只係一日,到左今晚午夜十二點,

我同你的關係就會恢復原狀,

明白嗎?"

不過我之後就補充返咁講,

"一陣小息同午膳,同埋放學,

我都會陪你,

不過你要黎搵我呀!"

佢好開心,我望住佢,

唔知點解總係覺得佢好傻,

不過相比之後,

應承佢的我,咪更傻!

第二堂的落堂鐘響左了!

不過老師總係好中意遲放,

但係只係遲左一分鐘,

我行出課室,

已經見到佢企係門口,

我拖住佢隻手,

唔知點解就好想跑,

我拖住佢跑到上去天台,

之後佢攬住我,

我地坐係個地下到,

我問佢,

"點解你會中意我?"

佢就話,

"唔知呀!每次你係樓梯經過2樓時,

我都會見到你,

你又會望住我,

漸漸就好似被你吸引!"

我懷住可笑的心態向佢講,

"傻瓜!"

之後佢同我講左好多心事,

第一個小息的鐘響起了,

我地手拖手咁,

去到樓梯先肯放開,

我同佢講,"我地第二個小息見!"

第二個小息個陣,

我地都系係天台到傾計,

依然都係佢攬住我,

佢問我"點解你會答應我的請求?"

我就答返佢,"因為你傻,但係我比你更傻,

所以我就應承你!"

到左午膳,

我地就手拖手咁出去食飯,

兩個人飲一杯飲品,

外表睇黎,我地真係好似一對情侶,

但係又有邊個知道,

我地只係一對只有一日時間的情侶?!"

係最後個兩堂係體育堂,

我D同學終於忍唔住問我,

"頭先兩個小息都係門口等你的男仔係咪你男朋友呀?"

我答佢地"係!"

因為我知道今日,

我就係佢的女朋友,

而佢就係我的男朋友,

放學之後,

我急不及待咁攬住佢,

面對面咁同佢講,

"我地去玩囉!"

好彩個陣無老師見到,

我地之後真係去左好多地方玩,

無論係海洋公園又好,

迪士尼又好,

我地都玩得好盡興,

最後,我地玩到十一點,

就搭車返屋企,

沿途上,我都無訓覺,

我地一直傾計,

我地講左好多野,

最後離午夜十二點的前5分鐘,

我拖住佢隻手,

慢慢係巴士站行返屋企,

我問佢,

"如果這段戀愛到了十二點也不會結束,

你會有什麼感覺?"

我以為佢一定會話好開心,

但係佢答我,

"我會好傷心,因為我破壞左我對你的承諾!"

我望住佢,

之後好戲劇性咁吻左佢,

十二點鐘,

我地已經不再是情侶,

我回頭對他說,

"學長,再見!"

我回家後,

雖然一開門已聽到媽媽鬧緊我,

但我已經累得一上床就訓左!

戀愛唔係話放低就真係可以放低,

不過今次只係一日,

傷心,都不應該係我身上流出,

畢竟只是夢!