今日一起身,

就諗起我家媽媽大人俾我的任務,

"幫我細佬包書!"

YO!超唔中意,

最憎就係要我幫我細佬做野啦,

佢簡直係史上的二五仔呀!

次次我地做左D咩事,

例如:我Or家姐同狗狗玩個陣俾佢咬,

阿媽返黎,

佢就會當住我面講俾阿媽聽,

仲要係係阿媽耳仔講,

但係又講到超大聲個隻囉!

防死我聽唔到咁..>口<"

好乞人憎呀!

但係我都係要幫佢包書,

(我都係史上最唔識反駁的人呀!!)

包左幾本,

阿媽返左黎,

所以我就叫阿銘睇住我點包,

跟住我就叫佢自己包,

初初就話一睇就識,

點知,

包左一陣,

就喊晒口咁,

又話點解d書咁難包,

好煩呀!!!!!!!!!!!!!!!!!!!!!

佢包唔掂咁即係又係要我包返,

憎死佢,

我一個美好的假期早上,

就要為佢包書而浪費!

~~~~~~~~~~~~~~~~~~~~~~~~~~~~~~~~~~~~~~

其實包到中途,

我發覺唔夠包書膠,

所以叫我阿媽俾錢我落去買,

出左門口搭升降機,

有個婆婆就同我講,

"咁凍,你著條褲咁短唔怕咩?"

我就話落街一陣就唔怕啦!

^^

之後返黎又搭升降機,

又有一個婆婆問我唔怕凍咩,

我又答返同一個答案,

我梗係唔怕啦,

我超多皮下脂肪嘛!

哈哈........

~~~~~~~~~~~~~~~~~~~~~~~~~~~~~~~~~~~~~~

今日屋企大掃除,

但係唔關我事,

原全係大人做晒,

YO!其實我唔想愈幫愈忙!