今日真係好好天,

無雲,只有藍天同太陽,

就係咁,今日就好熱,

我無著褸就返學,

而星期一可能成為我最痛苦的日子,

因為地理轉左係星期一的一堂,

所以我返到學就要上去拎地理小測簿先,

再去拎書,超重呀!!

數學堂個陣,課題依然係三角形,

唔得啦!我已經唔記得晒中一個d野啦!

做極都唔識,索性唔聽書,

但係無辦法專心聽書真係好辛苦!

但係我又唔識做,真係唔知點做先好,

唉.....................

到左中文堂,真係開始有d埋怨劉老師,

識左成大半年都唔記得我地全班d名,

其他科就話啫,

但係主科的你就一定要記得嘛,

枉我地一個禮拜都見到你四日!!

今日上中文堂,終於有種渡日如年的感覺,

可能係我懶左!唉......

英文堂,終於覺得同隔離個位男生有d熟的感覺,

前面的阿爺同靖儀妹就成日都拎我本可羅米日程簿黎睇,

都唔知有咩咁好睇...?!

黎黎去去咪都係個d!

之後我地就睇Spider-Man,

睇到uncle ben俾人開槍殺死個陣,

阿爺話唔係個賊殺死,

我問佢係邊個,

佢叫我自己睇Spider-Man 3wo!

但係我覺得第3套有d恐怖,

所以到現家都唔敢睇,

之後睇到打鐘又係未睇晒!

~~~~~~~~~~~~~~~~~~~~~~~~~~~~~~~~~~~~~~

午膳,打波的人愈黎愈少,

直至淨返我同學長,

我地就唔打啦!

可能係我打得太差啦!

所以佢地先無興趣再打,

科學堂,差唔多成堂都係畫圖,

但係估唔到有d野原來係miss作出黎先可以畫圖,

咁樣的話我就唔使等你畫啦!

我都識....唉.....

但係一路畫一路聽都無辦法聽得明,

結果都係放棄唔畫,

唉...成堂都唔知聽咩返黎!

*希望老師們盡量看我們追上的程度來教書!
 唔好講得咁快....畢竟最近好多活動要準備!