唉！今日臨收工果陳，4點半倒，LIU SIR突然攞份野入黎叫我印14份，印完仲要幫佢油顏色，因為影印機係黑白既，佢份文件入面有七、八張係圖表，要跟圖表D顏色去油番佢，但係印左出黎其實係黑媽媽，不過佢旁邊已經寫左每樣佔幾多%，照計都應該睇到，但佢係都要油，佢話求求其其逹D顏色上去就得，唔使油得好靚，咁我咪同明明兩個人夾手夾腳飛快咁劃兩野囉，講真真係油得好鬼核突，唔油好過油，冇辦法啦，時間關係丫嘛，我油油下對眼都花花地，有時覺得藍色同錄色好似差唔多，都唔知有冇油錯添！