11月26日 家歡與強強大喜日子
晨咁早就起左身莊身，8點鐘就到左家歡屋企，家歡已經係度化緊粧，時間一分一秒咁過，出面天色麻麻，但到左9點半到左右，
就出太陽，令我地都放心晒，班兄弟成遲左15分鐘先到，未開始玩遊戲，封開門利是已經俾其中一個姊妹搶左，勁呀！
我地預備左幾樣亞強唔食既野，但對我地黎講，只不過係一d好普通既野！因為佢只食牛，其他野就唔食。玩左半個鐘后，
要接新娘子了，佢地好順利就見到家歡啦，經過一輪既義式，就起程返永光崇拜！崇拜之后返左男家，之后終於可以坐定定食野，
半個小時后，又急急腳返永光預備，真係忙到命都無，又熱，個粧都溶到7788！時間過得太快啦，未搞完野，已經開始左，
入到禮物未坐底就要獻詩，不停出汗，真係尷尬死，又要分享，一邊唱歌一邊驚，感到到成個人係度震，分享個時真係十分緊張，
因為我係第一次分享，仲要單人上陣，有d野都漏左無講！多謝一班組員既配合！感謝主整個程序都好順利，只有一樣野，
就係個cam無電，唔能夠排底成個過程，好奇怪既係舊后備電係夜晚飲宴后，自己走番出黎！大家都唔敢話俾主人家知！
完左婚禮，大家都忙于執搭行裝到酒樓，真係一分一秒都無停過！直至到酒樓，先可以靜靜坐底食件cake同飲杯野，
今晚到家歡影左好多相呀，佢今晚好靚，個頭整得好掂，d衫就只有一套唔係咁好！今晚既飲宴都好早完，d菜都上得好快！
11點45分就離開酒樓返屋企！未停過的18小時！yeah！
|
