都有幾日無寫日記，因為真的太累了，每晚都成11點幾先收工，真係頂唔蒲呀！無諗過自己會有咁既一天，早幾日有個朋友仔見工，竟然以家仲有14個月糧既工，真係羨慕死人，月薪已經超好，但唔知成唔成工呢！希望請佢啦，因為佢係9個月內已經轉左差不多5,6份工了。
尋晚好開心，雖然好累，比平時早走了小小9點鐘，因為約左佢地睇"情義我心痴"，無諗過一d悶場都無，而且唔覺眼訓，雖然好似係一套好平凡既戲，但估唔到個種感覺好新，或者係因為佢地拍攝既地方係日本，如果係香港拍個感覺應該無咁好！套戲裏面既主角不多，但已經好豐富！亦有搞笑場面，也有傷心場面，最估唔到既係個結局會係咁！
今天我要努力做晒手頭上既野，如果唔係真係死人ga！黃昏時份仲要返永光開會，希望走到啦！加油呀偉豪，唔好偷懶呀！
|
