今日病鬼左..無返學..鬼咩...頭痛+頭暈+喉嚨痛+全身無力....咁都返到ge就係超人...

7點鐘起左身食完藥..就一路訓..訓到12點9..先至起身食藥..之後又上返張床度..係度諗野..竟然又喊過..都唔明點解..成日都要為佢而喊...一有時間..自己一個係度諗野..諗諗下就係度喊..自己一個狂喊..一喊就喊足成兩個鐘..之後就聽mp3..聽下聽下d淚水都仲係不自覺咁流出黎..唉..都唔知自己想點....

之後去到3點10..先至冷靜到自己..唔流眼淚..唉...一向以EQ高而自豪ge我..都唔明點解可以為左佢而變到咁...真係日日以淚洗臉...shit..4點鐘食野食藥..5點9又上過張床度諗野..諗下諗下..又喊過..天呀..今次由流眼淚...去到好傷咁喊..之後又變返淨係流眼淚...我都覺得自己好煩..好唔鐘意咁樣ge自己...為左個男仔而搞到成日喊...值得咩..?!之後就係度諗係唔係自己做錯野??點解自己會變到咁??點解自己鐘意ge人唔鐘意我..偏偏自己唔鐘意ge又成日煩住我??唉..成日搞到自己咁down..都唔知自己想點...

跟住去到8點鐘..等到自己隻眼無咁紅之後..就落床食粥...我唔想驚親呀媽..之後就一路睇電視..用電腦..同人地傾電話咁樣度過成晚....