今日都仲係病病地...最後都係決定左今日都請埋假..唔返學..而且尋日正式黎講都唔算真正咁休息過..成日都淨係掛住喊喊喊...所以今日自己係屋企休息一日..都係好事黎ge..

今朝7點半呀媽幫我請完假..食完藥之後..就一路訓..訓..訓..正呀..咩都唔駛做..咩都唔駛諗..有得食有得訓..幾舒服..100分滿分..有70分..果30分衰就衰在..感冒同埋要食藥果度..今日唔再係流眼水..而變左做流鼻水..=.=同埋d藥好苦..真係唔想死..唔知呢個世界上有無甜到好似糖咁ge藥ga呢??

去到3點鐘..終於唔再訓..起身食野食藥..之後就開始沉醉於電視世界之中..大約去到6點鐘..呀媽話我精神唔錯..要我溫下書...好啦..咁就拎左世史黎溫..但係都唔係好集中到..成日行黎行去..都無咩溫過..去到7點半..又開始睇電視...一路睇到9點幾..就開電腦..周圍睇下野..同人傾下計咁..去到夜d..自己累果陣..又準備教教豬lu..~

P.S : 1.今日先知..原來病係唔洗得頭ga..其實都唔知點解..但係今日洗完頭之後..就俾呀媽話..有d無奈..點解唔洗得呢??
      2.今日開始好似又凍返喇..仲好似話會愈黎愈凍添..各位要小心身體..著多件衫呀..唔好凍親..冷病病呀..^^