今日又係好凍凍呀..搞到我又唔想起身..賴床賴到7點5..最後搞到8點鐘先出門口..返到學校..好快手咁拾野..就讀報..

第一堂數學堂..shit..唔知係唔係今日吹得多風..搞到個頭勁痛..本來想唔戴住個口罩都唔得..唉..之後miss成堂係度教數..我就成堂係咁抄抄抄..無咩野..

第二堂中文堂..有得上中文堂好開心呀..miss郭一見到我就話好耐無見過我..我都係呀..好掛住你果堂呀miss郭..>w<..之後今堂無咩教書..練速讀..叮叮無買錦囊..咁我就同佢一齊用..速讀唔難..小學果陣已經學過lu..所以我覺得今堂都算幾好玩...

小息..落左去同呀gi呀林一齊食野..

跟住上bio..唉..鐘sir無返..去左唔知開個咩會..黎左個新miss睇堂..俾工作紙我地自己做算..初初個miss採取溫和策略..係咁叫我地做工作紙做工作紙..可以討論但係就只係可以講bio d野..又不停咁話咩唔好放棄自己唔好放棄自己咁..咁我地成班..有機會就硬係傾呀傾啦..之後miss俾豪激嬲左..就採取強硬策略..唔俾我地講野..直至到落堂...
最後英文堂..一開始又係默書..之後就開始講小組討論果d野..

lunch..落左去同呀gi食野..過我地兩個ge二人世界..一齊買左d野食..周圍行下..傾下計咁..

lunch之後..反思..去到3點3..就準備去小組討論..但係正式黎講就成3點半先開始..係我極力爭取之下..成功同呀gi同組..點知好衰唔衰..撞正係譚嘉豪睇我果組..唉..一對住佢..就唔知應該點樣講野..shit..完左之後佢俾評語..真係有風駛盡利..有得彈就彈到盡..好討厭佢呀..>^<

放學..見到個譚嘉豪..個人唔知點解無咩心機..唉,,唔理喇..反正我對英文都無咩期望..之後上聯課..同so pu ka同波波一齊去諗數學遊綜ge問題..去到6點3..先諗到10幾條..無計..之後將個任務交左俾bobby..就上返課室終於拾野走..個so..又話要等埋佢先走得..一等就等左半個鐘有多..成7點鐘先走..=.=下次真係唔鬼等佢呀...

返到屋企..拾下野..沖涼咁..之後周公又搵我..就陪下佢啦..一陪..就去到成10點先起身..之後先食飯..睇電視咁..跟住就開電腦..同人地傾下計咁囉..

P.S : 1.尋晚成晚掛住陪周公..咩都無做..連信都無寫返俾龍龍..對唔住呀><"
      2.今日紫欣都仲係無返學呀..成個禮拜都無返..好擔心佢呀..成日話打電話俾佢..話打話打..都係無打..唉..要幫佢禱告呀>v<..