呢兩日係派卷日,我ge心情 → →
一句講晒就係唔掂啦
中文個份卷最離譜.之於係d咩就唔好提啦,真係有d想死
不過有人好唔開心,見到佢咁我都有d唔安落
星期一食完飯個小息收到風話我地班有個人世史100分
張富輝就勁嬲,係度狂問邊個
點知係佢自己=.=
之後番到屋企同譚仔傾計,佢話cck數學200分orz
不過佢要扣分,好野:)
之後星期二對中文作文,好低分......
電腦堂係度整母親節卡,好易整.整完呆左坐係度
小息同達達,邦邦,cck,澤洋兄佢地落左教員室令回條
之後上來搵譚仔傾左一陣計
音樂堂原本好無聊,點知黎sir俾d樂器某d人時,d人唔要傳來傳去,笑死
之後科學堂對卷.ok啦,比上次高左分,但寫少左一d超勁唔應該寫少ge野
lunch同邦邦,達達,琪琪佢地一齊食
之後入左禮堂ge書展睇左一陣書就上左去
英文堂好好悶,係度訓覺.
之後體育堂,今堂都算輕鬆啦,下星期先輪到我考排球,希望合格啦
d男仔係度踢足球.最記得有一幕係cck岩岩令到個球踏住個時俾寶寶一腳車埋去入左網,笑死
放左學係小食鋪買野飲同食.聽到一d野,問極譚仔佢都唔講咩事[應該係體育堂個時發生]
同譚仔,寶寶傾左一陣之後.就同譚仔,cck,澤洋兄等等上左去圖書館放低個書包行左上去2A
之後冇啦啦落番去,之後cck佢地又走左,我同譚仔傾緊計,過左一陣先知佢地走左
想追左去但又唔見左佢地,同譚仔上上落落左好多次.最尾先係3樓望到佢地係地下禮堂出面個幾張椅度坐住
真係激死= ="
落到去聽佢地講左一陣地理專題ge野,之後見到隻小強
cck走左出去睇,之後我同譚仔係度踢個維他奶紙盒過去玩牠.隻小強嚇到係咁走,好笑
之後上左去圖書館令書包,再上2A班房.見到DR係度,幾驚佢會趕我走
不過最尾都係冇,仲叫我坐係度俾d意見佢地喎
最尾傾左一陣成績ge問題,再以龜速行上啟田度買野
真係好慢orz其間我同譚仔傾到好埋,又搭膀頭.
cck就係度講埋個d野,真係俾我打得少
買完之後各散東西,同cck行一條路,傾成績
傾到我好自卑
之後傾左一d比較私人ge野 [各位唔好諗錯隔離],始終同譚仔傾感覺會好d
之後番到屋企好累,見到個msn係線上,跟住d網熄晒.開番又話找不到網頁
原來俾人重開機完-.-msn個時真係好多人add下
寶寶就問左我關於一d msn ge問題
答完佢之後沖涼,再食飯.依家係度打埋篇野就訓啦
|
