琴日係中一的最後一日
好唔開心,心情好down
番到課室望住課室每一件東西都有回憶
好想喊,但喊唔到聲.其實我個心已經喊緊
之後miss lee講左一堆野,越講越傷心
又話影相點知佢冇帶相機
放學見到tracy佢地係度影相,最衰我冇帶手機
then同cck,張sir,kmk,張俊賢,偉哥,cmc,清清,tracy一齊去唱k
我,偉哥同張俊賢都係度打機,其他人就唱k
係度玩高達,原來張俊賢玩高達都幾勁下喎
一開頭以為2p係我,揀左部唔識用ge機,輸左
偉哥就搶黎玩.張俊賢就玩故事模式
偉哥成日都要張俊賢保護,開頭都冇咩ge
打到第7關佢就係咁累到張俊賢輸= =
仲要打死都唔俾我玩
之後佢地嬴左,偉哥俾左我玩
我揀脈衝高達,張俊賢揀左神盾高達一齊過關
佢成日俾我搶晒d怪黎打,笑死
then叫左個天婦羅什錦食,飲完杯熱咖啡就番小學
由觀塘番到油塘換衫,之後由油塘去到石硤尾
仲諗住遲到tim,點知去到公園一個人都冇
等左幾分鐘小禤,阿珊就黎左
傾左一陣孄孄都黎埋,跟住唔知邊個打電話俾小禤話遲d先到
華就黎左,講左唔夠3句就話去打機等住先
大家傾左一陣,發覺呢一年大家都冇變
雯姐到左,見到小學放學
我,孄孄同雯姐衝左入去
拉埋放lunch個何小軍入去tim=口='
入到去見到好多小朋友落緊樓梯放學
過左一陣就聽到姜sir把聲,落到黎就問我最近點-0-
之後就一齊上去搵李老師,原來佢汁緊野唔得閒
叫我地入6a班房坐下先.坐呀坐呀
坐左好耐,我同雯姐就落去買野飲
就去幫李老師搬野.
之後李老師話陳副校長番左黎,叫我地搵佢傾下喎
入到去成班男仔係度.
同副校講左一大堆成績ge野
我話我英文衰左喇,其他課就ok咁喇
陳副校長以前教我英文的,佢話冇所謂
有其他課就得,會考個時搵人補習就唔洗驚喎
信住你先喇,之後叫左姜sir同梁sir入黎傾計
都幾迫下= ="又係傾我d成績咁囉
佢地真係關心我,多謝晒各位老師
最後上番去搵李老師,原來佢剛剛去左校長室
咁我地就等下
過左一陣佢就上黎搵我地
話8月22號開始番黎開會開到4點喎
叫我地8月尾再黎,聽日唔好番喇喎[者係今日]
咁我地遲下先決定日子.之後就解散lu
因為琴日好累,留到屋企就訓著左
所以今日先打網誌,遲左咁多真係對唔住喲~
|
