2005 年 12 月 24 日  星期六

搵舊畫~! 

我夜晚六點鍾就返畫畫~~係我臨走之前，唔知邊個話想搵返我地升上成人班，畫的第一幅畫，於是除老師、盧生&一班學生就開始搵。本來每個人都想搵返自己個張，但太多畫啦，所以搵搵下，就搵到同學d畫。一d人畫到好奇怪、一d畫到好樣衰~~有一幅只有一畫，即表示佢係兩個鍾入面只畫一畫、有個就畫到好似畢卡索.....個細佬。我地愈搵愈興奮，之後除老師分享佢第一張石膏畫，畫的係夢羅麗莎，不過佢當時的老師話佢個人似夢羅麗莎.....個家姐，因為畫得老左。then我地put我地搵到同學的畫傳來睇，除老師話邊個邊個入左咩大學、又話邊個邊個入左邊行。講真:除老師呢度，佢d學生大部分都係從事畫畫方面嫁~~我第時都想做一名室內設計師，不過呢d野，到時先算喇~!