唉~好慘呀呢排~乜都唔見晒~之日想搵番條好易通既USB條~點知唔知掉左去邊~搵晒成間房都唔見>.<...我明明christmas個時用完就擺左係枱面,之後就諗我自己一定唔記得擺係邊家la~咁就執好佢攏落櫃桶啦,點知搵左好耐都唔見.咁就出去問人啦~點知佢話要出到佢間廠到買先得wor,仲要$199...嘩~洗唔洗呀=.=之後就無理佢啦~而家就希望遲d條線會走番出黎啦!!跟住星期一執書包個時~又唔見左本手冊wor,又搵左好多地方都唔見,死啦~無左本手冊我會好唔舒服家ma....唉,跟住琴日衛太話有本A簿係我地到,咁我唔知啦,就問熱狗~點知佢拎左本簿俾我睇,oh...god...番屋企搵,又唔見埋,唉,點解唔見晒d野家??唔通俾我呀妹食晒,希望佢地快d走番出黎啦~

琴日係我老爸生日,咁今日我就同佢去買生日禮物啦~唉~我好後悔呀,好後悔將d利是是買晒小櫻,搞到我而家身無分文,不過我都留左三百幾蚊買禮物俾我老爸,媽媽同小妹,我都算係咁家啦~老爸話要兩條褲褲~咁我就買左俾佢啦~本來媽媽都睇岩條褲家~不過個條褲要$250,媽媽見咁貴先至唔洗我買~話遲d先咋^^跟住小妹個份呢~就等媽媽今個星期六放假,出去旺角買~到時佢睇下想要d咩~就買咩俾佢lo~我決定左啦~短期內都唔會買小櫻同呀jack住家啦~我要忍~希望我忍得住啦

今日係大年初一,有d開心又有d唔開心啦,今日一早食完早餐就去左去我呀嫲到拜年,逗利是^^我呀嫲就同我地講今年要11點幾返去食開年飯wor~唉,我勁唔想,跟住我呀叔就問我有無興趣去睇戲,本應我都唔係好想同佢去睇家啦,我都唔鐘意佢既~成日你到辦晒野,點知我呀爸話想去,我呀媽又話叫我去wor~我就問下我表妹去唔去啦,如果佢唔去,得我同我呀爸去,我就唔想啦,點知佢又叫埋我呀妹去wor,咁我就去啦~打電話去訂"飛",今次去睇"魔幻王國•獅子•女巫•魔衣櫥"六時半先睇=.=跟住三點幾就去左我姑姐到坐,坐左一陣,呀叔就車我地去九龍塘睇戲啦,個間戲院又熱又焗,d位又唔好坐wor ,套戲做左兩個幾三個鐘頭,不過講真,套戲都好好睇下,睇睇下,妹妹唔舒服,不過琴日佢都唔舒服家啦,睇戲之前佢食左d藥,不過唔記得左買d包包俾佢,佢睇睇下肚餓,要包包,因為佢發緊燒,睇完之後,就拿拿臨返屋企,就係因為妹妹發燒唔舒服,我地一家都唔洗返去我呀嫲到食飯~lucky ,妹妹發燒都唔知好定唔好啦~我希望妹妹快d好番同我玩啦

而家係12點31分,本人係到上緊數學堂,點解我可以玩電腦打日記呢~之唔係MISS帶左我地去MMLC囉~嘩~睇番D日記,十年如一日,仲係11月既,而家都1月啦,仲寫緊2005年既野,真係無咩新意!!!所以我要重出江湖,寫番日記,重要補番之前個D TIM,我咁又恆心,一定得既~哈哈哈,唉,好唔開心呀,琴日MISS CHAN講左中文D卷,份份都係岩岩合格,唉,不過都好過唔合格丫,不過英文就死得啦~我地成班都係到講,MISS一入黎,暴風雨前夕都一定係風平浪靜既,所以我地都好驚,點知MISS入到黎,真係無鬧到,之後佢就係到講分啦!!!卷一成班都唔合格,真係開心啦,卷二得4個合格,唉,實無我份啦,disussion又死埋,係listening好d咋,睇黎四份卷都係得一份合格,勁灰!!今日miss又講數學卷啦~我同小釗都唔合格,但係呀統就合格wor,唉,好唔happy呀,都唔知點同呀媽交代,唉,都係快d放學,番屋企玩自閉啦!!

今日學校搞旅行,又係去大帽山,中二都去過啦,又好,呢間學校真係無乜新意 返到學校等左勁耐先上車,唉...今年個班主任乜都搞到我地最尾....都唔知點做野既~上到車,坐左大約半個鐘就到啦,去到,都差唔多無晒位啦~好彩我醒目~打俾熱狗~熱狗話佢個面有多個爐,就叫佢地幫我地霸爐啦!!!去到起爐都起到差唔多一個鐘,唉...連胖趙都走黎幫拖啦,最尾都俾我地搞熄左=.="無奈跟住佢地又係咁擺d樹枝落去,都唔知做咩....之後熱狗過黎睇下我地班女仔搞成點~見到我地搞到咁衰,就幫我地啦~終於得左啦~真係要多謝熱狗哥哥啦~不過佢話呀統講左d野令到佢好不滿...唉..

燒~燒~燒~燒~到咁上下,我地燴番薯~好好味呀,落埋d糖落去仲正>.<...食完我地三個就去探險,荒山野嶺,仲有好多 tim...有d驚=.=行下行下,行到鬼咁累,終於行完,返到去,佢地仲係到玩啤牌,都唔岩我既~輸左又會俾人"小"wor=.=跟住俾人捉左影相啦~影左勁多~遲d叫YAN俾我先~都係睇陣漫畫,跟住就提出玩"蓋棉胎"啦,我更係玩啦,超好玩,熱狗個d人特登等我地拍晒先最尾"搥"落黎,痛到,成隻手都紅晒,而呀容容又反應遲鈍wor~我地拍晒佢最尾知道發生咩事~所以係佢輸得最多,玩左陣,OH...執野排隊走人lu...點知要影班相...唔洗講~更係又係我地最遲啦!!!上到車~超臭,成陣嘔味 ...頂唔順,好眼訓 好野~可以返屋企lu,點知返到屋企又唔眼訓路wor=.="咁咪開住部電視同妹妹一齊睇一齊訓....今日就係咁啦~~~好開心~~~~^^