| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
| 2006 年 4 月 10 日 星期一 |
 | |
唉...好慘呀~第一次嘗試到無得俾人串既知味  |
今日又係7點幾起左身~今日好唔舒服,喉嚨好痛,唔知係唔係食得多糖得滯,唔知係唔係唔舒服既關係,突然心血來潮想執屋wor~真係怪
 執到12點...唔想執lu~就係5睇電視,食飯....食完飯食左粒藥,眼訓,訓左陣覺,都係唔得~仲係好痛,d藥都無乜用既
 唉....我終於嘗試到無人串既感覺~當你俾一個人串慣左,突然有一日佢唔串你喎~你就會覺得好唔慣~之前我成日叫佢唔好串我~佢就係要串,而家~想佢串我,佢就偏唔串
 可能真係"犯賤"啦!!我最想就係佢串番我,無人真係串好辛苦=.=
|
| 刊登時間︰2006-04-10 11:36 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 4 月 9 日 星期日 |
| |
今日好開心呀!!!  |
本應而家唔係好想打日記~因為夜啦~無乜mood~不過呢個都係籍口黎既姐~實情係懶姐~
今日我同我呀爸去屯門靈堂拜我太嫲,點知我唔記得左帶發達通,將原本代代平安既10幾蚊,都要奉獻俾司機大佬,真係傷心啦~
搭車搭到我頭都暈~10幾拜完之後我地就走啦~諗住搭小巴啦~快d丫ma~點知差一毫子wor~我都我呀爸搵極都無~呀爸就話同個司機大佬講差一毫子~都無乜所謂既~我一路笑一路同佢講"你講呀~唔好叫我講~"點知~黎左幾架小巴都無位~等等下~個巴士黎左~咁我地就唔搭小巴~搭番巴士啦,不過,呢次既巴士~令到我頭又暈,又想嘔,辛苦到丫...轉黎轉去,落左車~都仲係面青青~之後同我呀媽佢地一齊食野啦~食完野整錶,點知無開門,無隻錶係手,好唔慣!!!
返到屋企~開電腦~唉...隻game成鬼日hand~搞到我無乜心情~之後就同熱狗傾計啦~好好玩,今次唔再係佢玩我~係我玩佢啦~哈哈哈~佢被我搞到好攰,之後就唔玩啦~不過今日真係好開心....
|
| 刊登時間︰2006-04-10 07:51 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 4 月 3 日 星期一 |
| |
九分鐘...唉...輸晒~  |
經濟堂~~上上下,唔知係唔係miss講書講得興奮得滯,露個左肚臍出黎~我地成班都係到講~蕭冠鴻仲話miss,你提供額外性服務呀!!點知miss投入得滯,聽唔到~佢就係一路露肚臍一路講書到落堂啦~ 跟住體育堂跑九分鐘~未跑之前私仲好老定...今次一定可以跑到20圈啦~哈哈哈~點知...跑到10個圈就有d想死既感覺,我仲一路跑一路諗~如果跑跑下落雨就好啦~因為咁會無咁辛苦丫ma~~唉..點知得18個圈~其實都唔知係咪既~當釗跑緊既時候,我同檸檬同統係到傾緊計啦~傾傾下聽到ugly係到大叫話"15圈啦,加油呀!''我聽到之後係到同檸檬同統講"嘩,有無搞錯呀~釗跑得咁快都係12個之ma,其他人都係一樣,佢有乜可能15個圈,作野洗唔洗作咁大呀~''我只係見曾春苗跑得好慢囉~起碼落後d人1~2個圈lo~,跑完之後ugly仲話佢有20個圈wor~嘩~作野作到~唉...d人真係...跑唔到咪跑唔到囉~洗乜係到作野姐~人地又唔會對返你好既!!
之後西史...小測,點知羅廣新睇到測咩~講完俾我地知之後...miss話通晒水落~即刻收埋書,轉枱,無左個樽會溫...不過我都唔輸既~我特登轉枱轉得慢d~咁又可以睇多幾眼啦~哈哈.之後miss又俾左鬼咁多功課~我諗我地全部人都好驚上佢堂lo~不過都幾好玩既~miss都幾玩得!! 聽日音樂拍片~唔洗上地理~我地決定拍賣"老翻"~好期望聽日呢~~~
 |
| 刊登時間︰2006-04-03 08:13 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 3 月 30 日 星期四 |
| |
| 今日衰晒...頭頭碰著黑 |
頭兩堂英文,又係到做討論...又係未睇晒
 中史,係到發夢,西史,唉,經過琴日既努力,終於交出功課,好彩無問我問題姐,唔係又多一個"交叉"咁我又多一個,咁就唔"老黎"家啦,小息,俾熱狗拎左個銀包~搶左我張圖書卡...人地貼左小櫻家,之前又搶左人地枝小櫻筆筆wor~我已經三日無惦過佢啦~我好掛住佢呀
熱狗又唔俾飽食佢地食wor~餓親我既小櫻小狼點算呀!!!lunch之後又俾熱狗搶左個筆袋wor(不過其實係我搶左佢張小櫻書籤先哈哈哈~真係好靚>.<佢傳番個黎個時手面個,又俾羅廣新拎左我d筆wor~佢又拎左我隻生日熊熊wor~唉...跟住,我諗住嗱嗱臨掃完地佢,R就唔會叫我出去掃啦~點知...佢行一個圈個時見到一舊紙巾~就叫我出黎掃左去啦~唉...真係灰,出到黎個時,仲"la"埋鞋tim...想塞番又塞唔到..超瘀....
 做值日生真係慘!!!經濟堂眼訓到爆z.z上上下堂個時,我左手面個條友,話肚痛去廁所wor~佢一起身行過黎個陣時...臭到...
 搞到我當時原本係好眼訓既~即時精神為之一震~個陣味簡直不生難忘~哈哈...終於放學啦~我等呢個時刻等左好耐啦~哈哈哈哈......番到屋企超肚餓...周圍搵都無野食wor~諗住忍下啦~做住中文先~點鬼知唔見左本簿wor~周圍搵都搵唔到...唉...又肚餓又唔見左本簿.真係有d想喊~跟住諗住今日係星期四~有小櫻安慰下我丫ma~點知個個死人問答大會...搞到我小櫻無得做...心傷晒...跟住同我呀妹出去等我老爸租碟,散下心啦~跟住岩岩俾熱狗用佢既埋怨招...令到我要幫佢做野,由三次加到五次~不過都好過無上限既~唉...我諗我要由而家開始要小心d講野先得啦~最慘就係而家...小妹佢係我張床到飲芒果汁,我叫左佢唔好倒瀉家啦,佢又話"哦!"路喎~點知轉個頭就倒瀉左落我張床到啦~唉...慘啦~今晚要對住陣芒果汁訓...如果今晚有蟻咬~我一定唯佢事問...希望聽日係一個好既一日啦~返埋聽日就放假lu~返埋下星期又放復活節lu~ya~快d黎就好啦~!!!~ |
| 刊登時間︰2006-03-30 11:07 PM [ 訪客留言(0) ] [ 編輯日誌 ] [ 分享至FACEBOOK ] |
| « | 19 | 20 | 21 | 22 | 23 | 24 | 25 | 26 | 27 | 28 | ... | 32 | » | |
食完飯,飯氣攻心...英文堂好眼訓,英文又俾miss話wor,話我地個組好嚴重,一個人都未睇晒本書,我心諗"大把人都係咁啦"=.=...今晚補完習同釗玩二人三足返屋企...玩左一陣就頂唔順....唔玩...9點幾就去麥當當等我老爸~諗住睇下見唔見到賢仔啦~點知~兜個圈,賢仔就見唔到~就見到羅廣新啦~嚇死我...跟住想買D野食啦~我又唔敢wor..釗話同我一齊去買家~黠鬼知又走佬wor~唉...朋友...原來呢d就叫朋友~唉~如果我有一個好似"知世"咁既朋友就好囉~不過都係無希望家啦~真係"人生得一知己,都死而無憾囉~~"