今日比琴日仲凍,仲落埋雨tim,令我諗番起寒風吹在臉上像刀割課書,不過又無咁凍wor 今日朝早佢地個個唔願出街,搞到我好肚餓,佢地仲係到話煮公仔麵wor,嬲得滯咪咩都唔鬼食lo~3點幾佢地先出去,食左少少野,就去左我呀嫲到,住到六點就走啦,今日呀爸買左對鞋俾我~嘻嘻~算佢啦 番黎個陣,買左d熟食餸,我就叫呀媽買盒烏冬俾我,返屋企食完打俾熱狗~傾傾傾傾,一路傾一路叫佢串我=.=計埋今日已經一個星期啦,呢d咁o既日子到底幾時先完呀??不過我又想佢串我,又唔係好想佢串我wor~都唔知想點~哈哈哈....

今日比琴日嚴重左,流鼻水,喉嚨痛+癢,咳....唔通我患左傳說中o既無被人串傷風感冒症~哈哈哈                                    聽日同釗去剪頭髮,好緊張 今朝...我發左個夢,好奇怪又好真,我好耐無發過啦,我好驚個夢會成真....不過我諗我會好快唔記得家啦~哈哈哈~好寫完,收工,等睇捉鬼天狗幫~~~正~~~

p.s.岩岩肚餓,同呀媽講"有咩食",佢話"有湯",我唔食,佢就話"肚餓咩都食得落家啦"~我駁佢,"唔通肚餓就連屎都食得落家啦",佢話"而家又唔係叫你食屎",我問佢"咁你肚餓o既時候,食唔食得落d屎丫",佢話"得家,炸香左我食得家"...好好笑,之後我就無野講啦,我地兩母女就係咁樣溝通家啦~好好玩!!!

今日媽媽休息,所以我地去左海洋公園,一點幾去到,就玩個個"滑浪飛船",好恐怖 個種感覺有d似跳樓機咁,一路都相安無事,就黎玩完o既時候,就係上面沖落黎,個種離心力真係好恐怖,好得人驚,但係唔知點解成家人都無係到叫,係得我大叫=.="佢地個個都唔驚,就連小妹都唔驚,有d瘀皮 但係玩完一次,我地又玩多一次,第二次佢第一次咁驚,不過都仲係有叫>.<今次小妹都有d驚啦,不過都係唔夠我驚咁啦+.+v個種感覺我到而家仲係好驚!!!玩完兩次之後~條褲濕濕地...之後我地就玩左其他野啦~由於今日去左海洋公園,搞到我無得睇小櫻,熱狗仲話,小櫻佢地瓜晒柴>.<...好想睇呀好想睇呀!!!之後臨走o既時候買左隻好似八爪魚但係又好似水母既鎖匙扣,好得意呀>..<仲係呀媽俾錢,唔洗我俾錢...呢層先至最岩.....

唔知係唔係一開始玩左d咁激o既野,搞到原本我唔驚o既野,都變得有d驚,驚好似頭先咁突然跌落佢,所以我諗,我都唔明點解d人自殺要揀跳樓o既呢,佢地唔驚o既咩,係都揀過第二樣啦~哈哈...玩完d野之後要5點幾啦,我地就去睇魚魚,一路睇小妹就一路話"好大條呀!"咁...睇下睇下,6點幾就搭番纜車落山啦,我第一次感覺到有少少驚=.="最衰都係個個"滑浪飛船"啦~haha!!落到去,想搵個"旋轉木馬"俾小妹玩,點知搵唔到,海洋公園都關門lu~so,我地都走,走個時,勁多人係到等車,我地見咁耐就諗住搭"亡命小巴"去旺角,快好多,又唔洗等wor~點知"亡命小巴"真係"亡命"半個鐘就係海洋公園去到旺角...但係落車時,我就頭暈暈,腳軟軟咁...認真攞命!!!

9點幾返到上水,食埋野就10點lu~之後返屋企,岩岩沖完涼,而家打埋日記,好眼訓!!!總結一句,今日玩得幾開心,不過唯一遺憾就係無得睇小櫻>.< 同埋今日已經係第六日無俾人串啦....傷心......

今日轉涼,凍凍地咁~一起身又覺喉嚨痛,真係黑=.=今日為左一d野而要補償番俾yan,今日佢叫我行東,我無行西,佢叫我坐,我唔敢企~哈哈,so,今日我無話過佢,無串旖佢,全部由佢話事!!!11點幾同yan&貓去麥當當,搞到12點幾,就一齊去食野啦,因為唔舒服,所以無咩胃口,食完野,我地就一齊行街,呀貓真係對d動物好熱情,特別係貓同狗咁,行行下,見到有隻貓係張"登"到訓覺,呀貓都可以走埋佢"聊"下佢,好似唔驚咁,見到d狗狗都係咁 但係相反,yan就驚到乜咁=.=真無奈!!!我地行到3點就走人啦,返到黎,又無野做又無野玩,就睇日式面包王喇,好好笑又好好睇....正!!!唔知點解今日好累,而家就覺得好眼訓啦,跟住岩岩出去睇下黃德儀,點知佢係到倒潟晒d食,搞到周圍都係,黑人僧到死,佢地返黎又係我鬧我家喇,成鬼日都要我執手尾...好鬼嬲呀,嬲死佢呀

今日好鬼熱呀~~~熱到死啦~~~朝早呀媽11點幾先返~佢嗱嗱臨醫飽左我同呀妹同佢自己個肚先~之後我地就湊呀妹返學學~因為今日我要去補習~我都知媽媽好辛苦家啦~所以我會好俾心機家喇~之後我就做一件好重要既野~做到3點幾就返到屋企啦,之後沖返個靚涼,換返套衫就出去~以後我都唔會遲到~我唔要做第二個呀統>.<...(講笑姐)(盡量啦)差唔多5點個時~我就好希望yan會遲到,一分鐘都好丫,點知.....佢搭正5點黎到...無得串佢~唔制 我地今日一路行就一路講埋D gap野~係釗帶頭先,佢講得好核突,搞到我想嘔 不過....聽得好興奮...哈哈哈..去到現代~我地就係到講d感情野~好好笑入到去~差唔多無位坐,見刑上次坐釗格離個個男仔,諗住坐啦,點知yan唔肯坐要我坐,我更係唔制啦~好驚家ma~好彩都有好多人坐後面間房~so,有三個位"吉"左,我地就轉移目標,釗住側面,我坐中間,我格離無人,搞到我無驚,好無安全感~哈哈哈~我好驚格離無人,無人遮住好似好怪咁.

8點幾返到黎,同yan食完飯就玩電腦,跟住我諗住拎條蟲蟲黎俾yan睇啦(玩具黎o既)點知嚇到佢乜咁,好好笑,佢話好核突wor~成條真蟲咁,仲叫我拎開佢,我見咁好玩,更係玩多陣啦 拎係佢面前,佢係到尖叫,我未見過佢叫得咁尖,個樣仲好好笑tim,早知影低佢啦,佢驚到唔敢行入黎~好好笑,勁好笑,爆好笑!!!我戰勝左佢啦~哈哈哈哈^^v9點,同佢走啦~係麥當當到等我老爸,我好似見到一個羅廣新o既物體,不過唔肯定,之後釗又話見到wor,原來佢剪左頭髮,唔認得佢=.=老爸黎到,佢買左杯雪糕俾呀妹食,咁又要等呀妹食完先走得,不過等左一半,我無耐性,要走,佢就一路行一路食啦,番到黎就係到傾計啦...........

今日我睇番隻碟,寫低左三句野,之前都想寫家,不過懶,我覺得好岩聽~哈哈 呢幾句就係:                                     野蠻係女人o既專利    唔講道理係女人o既特權    講左唔算數係女人o既成就                                                                      好岩聽好岩聽~XD~~                                     

今日8點幾起身~又係好唔舒服,9點幾同呀媽同呀妹去食早餐,個時感覺到頭有少少暈都痛~個時呀媽話同我去睇醫生家啦~不過我做人既中旨係~唔到"啦"皮"啦"骨,死下死下都唔去睇醫生,因為好似唔知點咁 之後去圖書館還書,唉...死啦,搵唔番個本中文閱讀個本書呀~唉...想要個時又搵唔到~未要個時又俾我借左番黎,點知又唔用wor~灰爆!!!我都運下運下咁,就係咁,唔記得還碟,又要出過去,唉...不過都有收獲既,就係整番隻錶喇,本應今日係同熱狗出旺角既...不過呀媽唔俾,就放左佢飛機,真係對唔住啦,唯有遲d補番數啦XD不過話時話,今日已經係第三日無俾人串啦...呢三日真係好難捱,唉...睇見第二D人有得俾人串,我而家覺得好羨慕=.=死啦,唔知係唔係之前俾人串得多,上腦tim...唉...希望呢d日子會快d過啦!!!