呢個日記本應係琴晚寫既~但係成十二點先返就無寫啦...我地五點三四到字就去到oncen park啦,跟住我地去換飛入場,我地入到去就周圍睇下有咩啦,睇睇下,佢地就話搭纜車啦,小釗驚到腳都震,熱狗話自己畏高~但係又唔驚既~我地話分開搭啦~排下排下,纜車轉第二批個時,d工作人員就推入一架有血報既纜車過黎,咁岩就係我地三個個架啦,以為要住個架,就拿拿臨衝左上去熱狗同新個到啦...纜車開動時,小釗都震晒...係咁俾我地串...我諗過左個幾字,就到了,一去到就係瘋人院,小釗又係到驚wor,我俾佢攪到驚埋,掛左一陣就入去啦,我扯左佢地件衫,都唔理係咩...聽到人叫我叫,釗佢仲爬低左...我地跑下跑下,見到個呀伯都個呀婆,佢地都唔驚既~仲同d鬼say hi tim呀,好犀利!!!真係好羨慕佢地~琉完之後平報心情,玩過山車~我一直都好想玩,但係f.2個時玩過跳樓機就驚到唔玩...原來夜晚玩仲好玩,d景色好靚,不過360度轉個時~都幾驚下...我地玩完都暈暈地咁~哈,但係統哥話唔夠刺激wor~真係犀利,玩完之後就去食野,食完就捨番纜車落去,玩妖夜列車,玩完一次佢地話玩多一次wor~我同統就無去玩,係到睇人玩大力士,d外國人好犀利,一野就打到150啦,我見到隻南瓜公仔好想要,但係又唔夠力水就無人玩啦,玩第二d...係到擲罐~差d就中晒家啦...可惜差一個...唉玩完之後佢地又話繼續鬼屋之旅...我同釗都放飛機唔玩..而呀統就同熱狗係到鬥串~~玩邊個淆底....係咁串係咁串...我同釗就坐埋一邊睇野...等佢地...佢地玩完就話我地淆底lo~...跟住我話玩家~可惜搵唔到同無時間~哈...咁就無玩啦....臨走個時...我地見到部真神之口既機就玩啦...熱狗率先試玩,我地就搶佢張野黎睇...好準wor...我地都有玩...睇埋新同釗個張又好準~我都玩埋一份..超準備!內容係咁既:你充滿活力,別人很羨慕你對生命的熱愛         你詭計多端,狡猾和機靈              你缺乏自律和過於放縱                    你不喜歡別人催促你                     你愛自我反省             你不會受到環境所影響    就係咁多啦~準呢...玩完就出去買紀念品...我就買左個星星扣,熱狗就買左一有個男女符號既扣,我就係到串佢話..e個男既係邊個啦~~~個女又係邊個呢~嘰嘰嘰嘰...個個都知咩事都係到佢笑~佢臉都紅埋~好玩~搭車啦~佢地又話我地係淆底..勁無奈~我就話下年你地黎,我一定唔會淆~哈哈....跟住上到火車~好眼訓,佢地就係到玩電話..返到黎到12點幾1點啦~~~今日就係咁啦~都幾happy

今日~好開心呀,因為去中區睇d法定古蹟lo~琴日都講左啦^^今日坐車去個時~d人無聊到周圍影人d相,呀玲姐同蓮蓮訓覺個樣俾佢地影到,笑爆,仲話擺上網tim,哈哈跟住我就拎左蓮蓮部相機黎睇,原來佢屋企有樣倉鼠家,岩岩出世~好得意呀,我都幾想養,不過又驚佢d味味wor~佢話俾左兩隻玲姐養個wor,點知 ~瓜左,真係慘,落係佢手上真係實死無生呀~.~去到~miss就call個導遊黎,我諗講得呢d既都有番咁上下年紀家啦,點知見到之後,嚇左一跳呀~又後生~都幾靚仔下家wor~hahaha~睇完第一站個個咩咩紀念碑之後,就去左個個立法會大樓到睇野~睇睇下見到有個外國superman喎,個個外國人著住件superman既衫,仲有兩個人拎住相機個d野,好似拍野咁,我地個個都望住佢~嘩~一聲,d人又即刻影佢相啦,佢仲行得鬼咁自然tim,去完立法會就穿過匯豐銀行總行去到前法國傳到會大樓,都好靚下,好似話同左咩哥德式建築方法wor,唔係好記得.第五站就係聖約翰座堂~都好靚靚呀,好似教堂個d咁,仲有人祈緊禱,我地好"安靜"咁入到去,見到入面個個位都有本聖經個wor~又靚wor,坐左陣就走lu,第六站呢就係舊三軍司令官邸,又名旗桿屋~都幾大下wor....仲有個d"石春路"行tim...當然~我地更係無行啦=.="停留左一陣,就要同靚仔導遊byebye lu~ 最後就去域多利監獄到睇,點知都12點啦,d男仔話唔好落車wor,就咁兜一個圈睇就算,驚遲左番去無飯食wor=.="域多利監獄到有條"長命斜"話如果d犯人如果係係到行出黎既,就唔係死囚,但係如果係行入去探個d人呢都係"長命"既囚犯wor,姐係死囚呀終身監禁個d啦~~好似有d唔明咁,不想域多利監獄而家係捉d偷渡客個d家wor~我而家先知,兜完之後就到我地既返歸旅程,好眼訓呀,但係又驚d人係到影相wor,不過過左一陣都靜晒,咁就睏左一陣啦~好快就返到學校lu~咁就放lunch啦....上埋最尾個兩堂econ就放學lu...

返到黎拿拿臨整埋個袋就做補習功課~而家就係到寫緊日記~聽朝就去bodycheck啦...故唔到咁,聽日又唔知會見到邊個啦~唉=.="

yo ho~今日好開心呀...因為今日終於買到halloween d飛啦~雖然係遲d,不過總算今年都有得去丫~不過就好貴啦>.<....我都唔明點解21號之前同21號之後有咩分別~唔通應節d就貴d~

跟住天日又只係上econ個兩堂~其餘個d就唔洗上~好開心呀,因為西史出外考察wor~~去咩中區文物徑~so~天日我只係上兩堂~不過返黎就要寫番300百字既唔知乜野出黎=.=今日數小測呀~~~測番中二個d咩因式分解~我已經全部唔記得晒lu~,成日人都話唔識,今次成班都補測啦~唉...好眼訓呀~~~天日再寫啦~希望天日會好玩啦~

之前呀統同我講過之後,我覺得有d無聊,我心諗我點會發生呢d野呢,點知真係發生左...琴晚我發夢見我呀媽...發現左佢唔係唔到,我好唔開心,仲喊左出黎tim,係真真正正o既喊出黎,感覺到d眼淚,我聽呀統講既時候,仲覺得有d好笑tim....經過今次,呢種感覺好奇怪~我唔想再發呢種夢啦...........唔想............

今日上堂都無咩...返到屋企都係~但係到左岩岩...睇緊小丸子個時,隻左眼好似望到有d野係到爬下爬下,以為係錯覺,但係有d不詳之兆
一眼望上去,原來有隻壁虎...嚇死我呀... 即刻走去呀爸講,叫佢同我捉左佢,點知佢話係好野黎,會食晒d蚊wor,我心諗~我間room邊有蚊呀=.=仍就唔肯捉,佢話"佢"會自己走家wor....我一路望住"佢","佢"就爬左係角落頭到,都無諗住行...我呀爸又走入黎話"哎呀,佢唔識走呀"
都唔知攞景定陣慶...我又是心諗,容乜易我訓訓下覺"佢"爬埋黎家...諗諗下都毛管凍起晒>.<唉....恐怖又過左一陣,我呀爸終於同我捉去佢...終於無事lu~~~~真係好啦^^