今朝八點幾起左身,仲諗住會十點起身,點知呀爸成鬼日六點幾冷氣~今日仲要關埋我到門,又唔同我開風扇喎,真係衰...八點幾個時曬到死,又熱喎...頂唔順所以都係起左身,起完身之後開電腦~呆下呆下...呆到九點幾,睇左陣迪士尼 之後就出去食野啦...食完野就去圖書館還書,借書...返屋企....icq~~~~傾下傾下好眼訓,諗住訓足精神等今晚睇捉鬼天狗幫~點知釣下釣下魚,傾下傾下icq,睇下睇下野,俾我睇到d好好睇既野...就係心理測驗啦~哈哈~好準呀~俾熱狗睇,佢話唔準喎,但係我就覺得好準啦...就係咁睇上癮,唔眼訓tim,一路傾一路睇,熱狗話我係唔係痴左,仲叫我唔好睇tim~.~睇到7點食飯,食完飯再睇~哈哈哈哈~好好睇,真係好鬼死準既姐,之後仲搵到個網tim,我逐個逐個睇啦,準呀~~~跟住岩岩傾完電話啦~又係到睇心理測驗,但係又有好多功課wor~嗯...唯有一陣一路睇天狗一路做啦~~~完----------------

琴晚聽鬼故....十二點幾先訓,今朝7點先起身,一起身就sd信息...之後仲俾人話咁夜訓tim....哈哈....返到學校,好彩今日無乜太陽...咁佢地又講好多野啦~~~早早下會見到BR同miss chan係到鬧人...個個人仲係到用番d粗口駁番佢地tim...幾好睇呀~地理堂...同圍望下啦,聽下書咁啦....小息...走左去熱狗到玩啦,臨走仲要俾人話多句tim,無奈....英文堂,成班俾人鬧左大半堂...最尾....仲要抽中我答問題tim...好彩以我咁天資聰敏...更係識答啦!!!(其實係一條好低b問題,傻既都識答啦 )數學堂....衛太一入黎就係到發顛...講埋d唔知d咩野...講都講左堂幾兩堂,講完之後就講會考卷......終於lunch啦...返屋企食飯...食完之後返學...返到學諗係到做功課,點知俾熱狗唔知幾時攞左喎...我都諗到家啦,但係佢又好快咁返到埋位喎,又好似好認真喎!!!所以我都係搵下..不過一定係佢家啦~唔俾人做功課既=.=''中文堂...好好笑,最好笑就係中文堂啦...嗯....好想睇下浩林哥本隨筆....一定好好睇姐~今日全日都同圍望,係咁係到同yan同熱狗係到玩口語...有d明又有d唔明wor~所以好好玩~放學lu~今日有條腸粉生日,係咁問人攞生日喎,我真係佩服!!!=.=''

而家傾緊電話..........係咁俾熱狗改名,好衰家佢 佢而家又係咁串我...嗚嗚嗚嗚....好衰家.....總括黎講...今日旖得好好笑~~~哈哈哈哈哈

今日唔洗早會...因為閱讀堂ma....第一堂英文...何太話要默書wor...唔係呀ma,不過我睇佢可以維持到幾耐,佢咁無記性...哈哈 小息,努力做中史...中史堂,聽下書又唔聽下書咁啦!~!西史堂...miss無返仲以為會好輕鬆咁過tim,點知...真係唔方唔輕鬆啦,做論述題做到手都到斷...都唔識做,求其啦...lunch,返屋企,返到學校,有一股殺氣.....因為我地激男呀統,原本我坐緊佢個位,一見到佢番黎,走都走唔切,好驚lo~唉.....地理堂,周圍望...放學,諗住睇下呀統啦,點知我忍唔住走左過去,叫佢唔好嬲,死纏住佢,學過空手道果然係唔同d,俾佢撞一撞,都死更,當然啦,我咁死纏難打,佢更係心軟啦,哈哈...不過呢一招唔係成日都得家,唔係個個人都成功~都要睇下個日個天幫唔幫我先得....我睇佢都應該無咁嬲啦~~一路行返屋企,我又一路發顛喇,仲俾劉芷君"噓"我tim,即係叫我收聲,哈哈~我好開心呀,君君居然會"噓"我呀,勁開心囉,俾人話我都咁開心,唔知我係唔係有病呢,如果係yan話我既話我一定駁番佢,都唔覺出奇,但係今次係君君話我,佢從來都未話過我家~搞到我好開心呀>.<...又係到發顛...仲嚇親佢tim,佢話以後都唔咁樣話我啦,佢驚我又發顛wor~但係我覺得好好玩呀~如果有d人係未話過我又突然話我既呢~你就要好好把握機會啦~係會好好玩家~~返到黎,沖完涼,洗完頭,見無乜人on,又眼訓wor,咁咪連個頭濕都唔理啦,訓左先算,一係唔訓,一訓完個頭痛到乜咁,唉...不過算啦,咩都忍得,周公叫到,唔理佢會好唔俾面家ma...

嗯...今日過得都好悶呀...無心情...唔寫lu~~~~

今日又係一個大熱天,證明左夏天已經黎到啦 ....早會係到企,差唔多曬溶晒...唉,都唔知點解咁熱天文台都唔掛酷熱天氣驚告既,咁我地咪唔洗企lo...真係衰,好彩上到去地理室,有冷氣姐....今日唔見咁好多人,有幾個去赤柱監獄睇野,佢地就好啦,我都好想去 有d去左做評估wor,佢地都好姐,地理上上下堂又問野...又問中我,點解咁鐘意問我既姐=.="聽日又有堂tim, 不過我地都唔算差,好似唔洗上堂咁^^a中文堂,miss帶隊,所以唔洗上,我地係到作文,唔係幾識作...多數都係係到傾計...數學堂,上上下堂衛太話落去打個電話俾個家長,叫我地乖d=.="我地更係舉腳讚成啦...佢俾左d今年會考卷我地做,話難唔難,話易唔易,不過衛太話今年個d好易wor...我唔識tim,咁樣又證明左我同數學係有緣無份喇!!!唉....lunch,又要係酷熱既天氣下返屋企...之後又返學,唔知幾時死得呢...係就快啦=.=""英文堂...唉,黑仔,想佢問個時又唔問wor,唔想佢問又偏要問wor,企左係到唔識答...瘀到爆 不過企企下,見到美人突然間仆低wor...佢張"登"爛左...唔知係邊個換左佢張"登"既啦...嘰嘰嘰嘰!!!成班笑到乜咁,其實我都好想笑家,不過企左係到,如果笑既話,會好突出....所以我都係忍住忍住...不過望過去yan到,佢係到引鬼我wor,我都係忍唔住,拎埋一邊笑左野 美人本人自己都笑得出啦,一d都唔覺得瘀既,我真係佩服呀 跟住我地就俾何太話我地冷血wor=.="不過真係好好笑ma~佢跌完之後我係到諗...我要睇緊我張"登"先得喇,有d驚tim....如果係我,我一定瘀爆喇...真係難以想像!!!!

嗯....今日我又好似激嬲左熱狗>.<(唔係好似,係直情T.T)之後返到黎問佢...佢話唔係wor,仲話我成日係到疑神疑鬼tim....有d驚,佢講完呢句野,我就知道佢好嬲喇 嗯...不過我都真係幾成日疑神疑鬼家wor,我係好鐘意亂諗野家ma~唉...唔知係唔係金牛座既人都係咁既呢??嗯...要改下先得啦~仲有唔好成日激嬲熱狗先得喇

補習啦....去到火車站,yan黎左,不過我都無遲到~去到沙田,有d肚餓,去左麥記買包食,只係包咋,我無買其他家!!!!排排下隊聽到有人係後面講英文,一聽就知係外國人啦,一轉身...哈哈哈哈,好多外國男仔呀...哈哈哈哈....我同yan都係到笑...去到現代...交埋學費,就入去啦...入到去,呀sir又係同我地講會考份卷...話今年個d真係好易,我聽到我格離個個女仔講,唔係呀ma~小學生都識做啦,雖然佢講得好細聲,不過我都係聽到...搞到我好似.......連小學生都不如...灰.......今日教3D立體圖,我地都未教既~.~

番到上水,同呀媽佢地去食飯...食下食下搞到而家喇...嗯...今日就係咁啦,好似好多野咁+.+~