琴日佘仔叫我+鄺永出去陪佢還書,3點左右先出到去樂富,佢地去圖書館,

我就去M記食野,實不相瞞,其實我未食晏嫁,我淨係叫左杯雪糕係M記食,

諗一諗,原來我都幾夠薑,比著以前我唔敢自己一個食好好多...跟住我出

去,咁岩鄺永+佘仔又行緊落黎,哩叫係唔係叫心電感應定係巧合?算啦

算啦,哩個心電感應都係留返比佘仔+鄺永既另一個人啦...之後就去左荷

利活諗住攞熊仔鼠,點知個店長唔記得帶,搞到我今日要去攞,算,義氣!

跟住佢地兩個就上左我屋企玩,我地係到鬥勁舞高分,其實鄺永前日都

有上過,講返前日就激鬼死氣,佢係咁攞我支止汗劑係我屋企周圍噴,跟

住噴埋我副眼鏡,跟住攞枕頭丟我...唉,你都係留返同"她"咁玩啦,廢事

你老婆嬲你呀...跟住就落去打左陣籃球,之後我就返屋企補習啦..

今日2點幾比佘仔+鄺永叫左出去"練體能",跑到上去獅子山,今日勁熱喎,我地上到去棒球場,

係咁係到搵棒球,搵到勁多,跟住就係到睇人地打棒球...之後落左去諗住睇人射箭,跟住無啦

啦勁多bb彈射落黎,嚇死我...鄺永話:而家玩槍戰咩?,跟住就落左去天馬"園"食壽司,個到d野

都幾好食既...之後就去左荷利活玩捉e因+"可立個d人"既禮物...跟住就玩捉e因,點知佘仔做,

我同鄺永去左Q-pets睇野,個店長同我地好熟,問我地要唔要熊仔鼠,搞到鄺永好想要,睇下

點啦...跟住我話:E..佘仔個傻仔仲係到捉緊呀?,跟住鄺永就笑一笑,點知佘仔係我地後面,跟

住我同鄺永好似午夜狂奔咁,跟住入左防火通道,點知比佘仔見到我龐大既身軀,入黎捉左我,

但係見唔到鄺永係我對面=門後面,捉完我之後就跑左出去,我同鄺永係到笑死,跟住我地出

去比佘仔捉,我地笑到肚痛,鄺永話:佘仔,你係咪盲嫁?...之後就返左屋企啦,而家同鄺永傾緊

D"問題"

P.S.你想"憎"佢咪"憎"佢囉...

今日I.S.堂因為MS.劉放產假,所以搵左個維園伯伯黎代堂,今堂講乜野有性繁殖,知咩事啦?

D男仔勁踴躍咁發表,唉...之後上英文堂個時,MS.LAI無返,所以搵左關老師黎左代堂,蕭欣無

啦啦傳左張PAPER仔比我,佢話佢好唔開心,之後咪同佢傳下,氹下佢開心囉...之後我地愈傳

愈勁,D男仔+女仔狂係到傳,關老師都唔知...食LUNCH個時,我本來同"鄺慧儀"佢地一齊坐.

但係之後見到LILY佢地,就同佢地坐啦,曾話佢琴日拉頭髮拉左成粒鍾,我地就狂係到傾啦...

下午個時,因為可立黎參觀,所以遲左少少走,同LILY佢地係到唱歌,我就愈唱愈顛,佢地話我

唱歌好好聽呀!YO...跟住見到彤係樓上同MS.CHAN講野,講講下仲係到喊,佢落左黎就攬住

我地喊,佢話佢呀媽迫佢田徑+排球揀一樣黎退喎,跟住我地係到聽佢吐苦水,跟住識做既我

見到佢講到就想喊咁,我就唱:我和你吻別,在無人的街...攪到個個都好笑,有時咁都幾假,唉...

跟住見到可立既梁洛施,佢同我揮手,我話:HI...今日係駱老師帶佢地黎,仲見到"蘇鴻輝",不過

無SAY HI...跟住就走左啦...

都幾多回憶既地方...

今日係學校旅行,我地班係尾2一班車出去,上左車之後,個口 2都係到傾...而我?緊係聽歌啦,

雖然話唔比帶電話姐,學我呀媽講:驚你呀媽有毛咩?出車條路同可立唔同左,所以好唔慣,係

咁係到睇d路,隱隱約約記得d路,我一上車到落車就唉左好多次,可能真係太懷念啦,不過都

係11個月前既事...一入到去,個到變左少少,望到任何一個角落,都係個時教育營既回憶,愈睇

愈想唉,個地方無乜變,但係人唔係到...跟住就同晞佢地去手工藝室整收縮膠,又整左d野,之

後就去食飯lu...唔知點解今次去食,d餸好似特別好食咁,上次好似坐17號,而家坐19號,唉...

食完之後就同lily佢地上去籃球場唱歌,又唱乜野"把冰山劈開","甜「密密」","夜來香",wcy話:

哩d歌先in呀...之後就集合啦,雖然時間係好短,但係都夠嫁啦...講返上午攀石,我出名大隻嫁

啦,開始爬個時都幾驚自己掂唔掂,下面個幾條友係咁講加油呀!好勁呀!,煩到你呀...爬得一

半好累,就停一停,諗一諗,跟住就爬得勁快,因為自己諗緊如果小學既fd係下面既話,爬唔到

最高咪好瘀?雖然有少少自欺欺人,但係哩個都係我唯一既動力...落左黎之後,個教練話我

爬哩d好有動力,好有自信咁...雖然自己比人讚有d開心,但係隻腳同手震到好似貓王咁...

p.s.去同鄺永+佘仔打籃球啦~

琴日一朝早醒左之後,問下自己:E..今日禮拜六呀呵?,跟住就諗緊約唔約鄺

永+佘仔佢地出黎玩?出黎又玩乜呢?定係唔出去好?完全無諗過自己會諗

埋d咁既野,突然間覺得中學都幾好呀...我自己又同自己講:痴線!點會呀?,

之後就再瞓左一陣,瞓醒左之後就同我老豆去買衫,頂!佢買衫定我買衫呀?

之後返到屋企,就打比鄺永,因為佢叫我打比佢,跟住打比佘仔,我問佢:你覺

得可立d人好d定係中學d人好d呀?佢話:緊係可立d人好d啦!鄺永就係到狂

笑,因為佢知我暗示緊d乜,佘仔個傻仔仲係到諗緊,之後就出左去打籃球...

因為為左倉鼠既生死與否,我就出左72咁大把,加埋鄺永個60,買左個"lon"+

轉轉輪,跟住wasabi sd左個sms比鄺永:我見到你地,最激氣既係,佢竟然見

唔到我...鄺永話:肥婆咁大隻佢係見唔到既,佘仔+我+黃ming仲矮過你都

見到我地...唔通真係細粒d好認d?跟住就玩捉,跑到我就死就死咁,同佘仔=

4K第二名跑喎...今日出去,我係咁問佘仔:可立D人好D呀?係咪姐?鄺永只

係得個笑...我係咪好聰明呢?係呢...

P.S.鄺永..你黎真嫁?驚驚驚,咁你自己點姐...