話說22號係我生日既日子,唔知係咪大個左,覺得生日無乜野,但係唔可以哂左個願望嫁ma,咁就大左

一歲啦,真係大左好多,可能以前會覺得一定要約e個果個出黎玩,但係發現..咁真係好累,學鄺永話既:

出就出,唔出就"懶"..亦都覺得我既生日,記得就記,記唔到都無所謂啦,不過無鄺永同佘仔個句生日快

樂都唔係生日啦,佘仔我知你口硬,我明嫁啦,鄺永就唔怪得佢,佢連今日幾多號都唔知..估唔到第一個

係細路同我講生日快樂喎,12:00就sd sms黎,好野!講返正題,我今年既生日願望就係:希望我地之間

既感情唔會變,雖然唔知可唔可靠,但係許左好過無許呀ma..貶下眼就13歲啦,唔想d時間過咁快添,

仲有,琴晚同佘仔傾傾下電話,佢無啦啦係到唱友共情,feel到佢係到諗緊乜,大概同我諗個d一樣,之後

就一人唱一句,有d想喊,佢又好大壓力,話一定要考到上大學,話佢d表哥串佢數學差,我話你就係咁嫁

啦,佢話我都知,所以我可能唔會成日出黎玩啦..唉,唔好比咁大壓力自己啦,我會陪你一齊考上大學,

考個科大/中大返黎,鄺永就..

p.s.原諒我後面9唔搭8

今日係返田徑既日子,係7仔個到等,細路個燒賣等成年都未得,佢又撞到佢個fd喎,所以我就閃去

買m記早餐,買完返黎,鎧彤姐就到左啦,之後又撞到小yu,就一齊去啦..搭地鐵果然好快就到,去到

就換衫個d啦,佢地跑圈先,我再同鎧彤姐跑,唔知邊個係到邊跑邊笑囉跑完之後就做拉筋個d

啦,拉拉下玩玩下,佢地就要比賽啦,我都係..去到鐵餅場,陰公囉!得果7個人,同鉛球一樣要8個人

入決賽,唔夠數所以就直入決賽,其實講真我黎玩既,本來都唔想比嫁啦,之後就是但擲左幾野,攞

第4,有18.89米,郭文hei攞第3,19.28米,但係佢都唔係話特別開心..返到去,某某(我都係唔講名啦)

係到喊,就成班人係到安慰佢,安完之後細路就要跳遠啦,我幫加娸按摩左陣之後就去睇佢比賽,

而家我就變身成為保母,攞條毛巾濕哂水+攞支凍水去個到,幫佢地抹手手腳腳,話說比d太陽咁

曬,d雞肉會好累..鎧彤姐跳到唔跳啦,細路最後一跳,好似好緊張咁,我就叫佢諗動作啦,跳左4.02

米出黎,開心到跑過黎攬住我,之後就返去啦..佢地 200米決賽啦,加娸攞左第一,2,3名好似都係我

地學校攞..某某某(我都唔講名啦)就係到喊,話應承左人一定會攞頭三名,張敏佢地係到話:佢胸大

壓線贏左你咋ma,下次加d墊落去呀ma,返去問下你呀媽做咩生到你咁細..又話:去廟個到祈禱,我

話:去教堂個到拜神呀?佢話:唔好拆穿我啦..跟住就入去影相個d,突然間好唔捨得添,雖然只係返

左12堂,我地仲要返唔足個種,又突然間覺得其實中學都幾好呀,跟住就搭巴士返黎,傾計~

(遲d post 相)

今朝較左6:15既鬧鍾,手機無啦啦響左,望一望,鄺永?心諗:佢打錯定係鬼打比我呀,佢有咁早起

身?一聽,係佢黎嫁喎,佢叫我落去食早餐,佢成晚都無瞓..跟住就落去m記食啦,唔知點解好似無

哂話題咁,老實講我好驚,驚我地d感情慢慢慢慢無左,最憎09年既暑假..之後有個呀伯隻腳拖住

個地行,我話:moon walk呀!鄺永差d笑到噴通粉,之後佢就玩細路電話,我就落左去搭車..個時

已經7:15啦,但係我地約左鎧彤姐搭3係巴士站等,我就拿拿林call細路叫佢係三期等我..跟住就

搭車落去搭mtr..之後細路話唔去食野,我同鎧彤姐就唔理佢,由佢自己一個行,跟住佢就叫埋嘉

娸黎陪佢,我地就連佢都拉埋過黎,搞到細路好似好唔開心咁,哈哈..到左運動場,就換衫換褲換鞋

跟住就出去做熱身,佢地跑圈,都知我體能差嫁啦,唔係一定要跑我都唔會跑佢地跑100米,我

地全部人係到叫加油,有鬼呀個d,鎧彤姐同嘉娸同埋師姐都入左決賽..跟住睇細路跑400米,到

最後100米,我地就叫加油,叫叫下叫到悶,我就叫:朱古力呀!贏左兩舊朱古力呀!佢地又係到叫朱

古力,可能係因為咁,所以就爆,追過第一果個,勁呀..突然間好想跑得好快,勁型喎,可惜我唔係d

咁既人..話咁快,我就要去比賽啦,諗住抱細路返黎先去比,不過算啦,鉛球仲要玩4kg,真係手都斷

一企入去,左手一拎過鉛球,隻手好似整親咁因為好重,搞到隻左腳都有d反應.但係唔驚,照黎..今

次得過7米咋,仲差好多,攞個第3..文HEI姐攞第2,好開心呀,跟住就返去做我地既啦啦隊,去左跳

高個度睇小羽比賽,跳得好勁,到左米2就跳唔到啦..E D天氣真係好難頂,又落雨又出太陽,我推

個時,仲要係落雨,頂!...跟住就返去HEA,到左100米決賽LU,鎧彤姐攞第1,跟住師姐係到喊(我就

唔講邊個啦)全部人陪佢咁,之後嘉娸又有少少喊,搞到我都好想喊,諗下好啦,我唔會係人地

面前喊,強人是我!跟住就影下相咁,同細路+小YU去食野就返屋企

成績呀...

傳說中既細路

我件衫

我同嘉娸隻手,變左黑人

孔記既咁多位跑手們(由前至後)小yu 鎧彤姐 細路 加娸

今日又係要練田徑既日子啦,一早就上左慈中買完m記,就同佢地搭車去深水埗,朝朝都要係到

追車,今日都唔例外,我買個杯凍奶茶唔記得左拎飲筒,搞到我地係咁諗點先可以搞到勻杯野佢,

搞到倒左d係我條褲到..去到運動場個到就借key,跟住就去換衫,我屈細路高,攞佢對拖鞋擺係

個locker上面,點都拎唔到果死無聊襯我入去個時,收埋我對拖鞋,其實我頭先想出返黎攞..好

啦,韓哥哥黎到之後就一齊玩佢,巧彤chan黎到之後,韓哥哥就攞左佢把"姐"係玩,玩玩下跌左落

地,搞到個頭爆左,跟住攞住佢係咁走,又接力個d,全個更衣室係得我地玩到咁顛..細路比人玩緊

個時,我發現有條友係咁望住佢笑快d叫你個余龍署黎帶你走啦..跟住就上去報到,今日都唔

駛練既,只係講下野咁,所以我11點就走左落去沖涼出左去吹風..之後係更衣室發現左隻小強,

本來個個都唔驚,細路攞我做擋箭牌去整隻小強,跟住隻野無啦啦向住我地個方向跑過黎,搞到

連我都係到叫..之後331(佢個加拿大勁多毛,下次post上黎)著住件底衫(姐係個d啦)黎踩死隻野

搞到我地o哂嘴,跟住狂係到笑,佢地話:來也"沖沖",去也"沖沖",勁好笑喎..之後偷左細路手機某

一張相,跟住叫佢地開哂藍芽send啦~放心啦,我無咁衰,玩下姐..跟住就同佢地搭mtr走啦,之後

傾到興就上左慈雲山傾計,玩玩下係到玩個水池..近排係唔知點,話說我禮拜3肚痛,搞到我呀媽

叫我食藥,彩佢都傻,之後差d要入廠,跟住"失頭哥"又同我痛,頂!但係我無咁潺,邊個叫我係我呀?

p.s.都就黎開學啦,唔好去染髮啦熙哥,哂錢~佘仔要8月31日先返得竹園,蚊都瞓,仲要話中二唔

知出唔出得,因為要練籃球,我話:你唔想出呀?佢話:唔知,有得你唔出咩?

話說今日又係練田徑既日子,起到身勁累,早知唔同鄺永傾咁耐,其實唔想去..上車個個都係到瞓

但係我瞓緊既同時,又諗緊d野,瞓得唔係好好,落左車之後,唔知邊個帶頭話:唔想練呀..跟住個個

都話唔練(係唔係我呢,應該唔係),好啦跟住就call彤彤姐同加娸妹啦,得彤彤姐話唔想練,之後就

係mtr到等..頂!細路同佢講左半日,原來佢係長沙灣mtr,我地係荔枝角mtr..搞完一大輪之後,話想

去mk又有,唱k又有,睇戲又有,是但又有,跟住就坐左係到諗,意見都唔一致既..搞到最後我都無氣

同佢地講,同細路一樣揀是但,之後就又去左新之城到唱k啦唉..係門口,條友話:做咩呀?唱k10:30

先開喎,巴之閉咁..跟住就同佢地買pair牌去m記上層玩,係到玩鬥地主,彤彤姐玩到自己都唔知玩

緊乜, 係咁比鎧彤姐鬧,好好笑..玩到差唔多就上左去,一間鋪都無開,我地就話望住部電視唱,佢

咪有播d歌既..之後個管理員係到跟住我地,話:唔好玩呀!我地係咁走係咁走,吹我地唔脹,個個都

徑項既,得我係田項,跑哂啦..落左去買朱古力之後就上左去neway啦,30號房,走到去都無人敢唱

跟住我就係到叫住黎唱,之後個個都咁唱啦,彤彤姐係到係咁唱佢既棒棒堂,唱唱下唱埋beyond

d歌,個首真的愛你好正,無法修飾的一對手.. 因為細路比人搶左對鞋,我就係到玩佢,抱起佢係到

行,唔夠力就直接"頂"低佢係到..叫到把聲沙哂,可能係時間既問題卦,無同佢地玩咁開心,就算過

多一百年,可能我都係會覺得..跟住就走啦,係mtr我地坐埋一齊講野,講講下,彤彤姐無啦啦講左

句:王子真係好令仔,我同細路一齊講:妖..(e句只係話佢煩,唔係話佢個位尊貴既王子,驚比佢d

fans打)

p.s.琴日同鄺永傾電話,係到講佢以前d往事,話有條女想溝佢,我問佢有幾令?有無wasabi同晴b

咁先?佢話:wasabi好令咩?我話:唔通搬個顏雪茵出黎咩?佢話:一定令過啦..講起小學d野好好

笑,feel到佢真係講得好開心,佢突然間話好想返小學打波,5..之後唔知講到乜,佢話如果比嘉嘉李

揀我同佘仔既話,佢實揀我嫁..(有信心既人唔同d)9月死都要返可立嫁啦~