今日本來7:00個時去同佢地食早餐,點知佘仔瞓唔醒,仲好,根本我都未瞓醒..醒左

之後同鄺永傾左陣計,佢本來要去沙田攞滑板,但係佘仔話去游水,放監啦?原來係

佢握佢呀ma同佢地中學同學出黎游,佢呀ma話我同鄺永唔係同佘仔一間學校,所

以話我地學壞喎,好野!話說佘仔表哥係我間學校比人扣左操行分-100幾分,所以

話我間學校衰喎,咁就批評下你個孫啦,你無資格批評我,有病食藥啦,係咁鬧同打

佘仔,佢都大個啦..熙哥有無壞我就不予置評啦,廢事比人串,但係我點都唔覺佢學

壞跟住去左斧山游水,出面d水呢就暖既,入面d水凍既,玩死我地,跟住撞到李

樂敏,吳yingying,咁岩呀..之後就係到玩穿山x,好難用文字表達點玩,下次同我地

去你咪知囉..不過講真呀,而家有邊個得閒呀?想好似上個夏天咁多人出黎游,而

家同中學fd玩既玩,學野既學野,唔得閒既唔得閒,唉..

因為琴日我呀婆去我屋企瞓,所以今日佢係到係咁叫我起身佢落去食早餐,之後

同佢食左陣野,佘仔就打黎問我出唔出圖書館,得個10點幾出鬼出馬咩?跟住就

打機,打到11:00鄺永打黎,跟住我地就出去啦佘仔2:00要返學校,所以著左校

服出黎,好令仔喎(鄺永學下野啦)..之後等鄺永落黎,我同佘仔就講返我地琴日傾

果d野,因為佘仔呀"ma"唔比佢出,所以鄺永話:妖!x佢啦,上次我呀婆攞不求人

打9我,火都黎埋,一野bark斷舊野掉左落街,佘仔係咁笑等到佢就上左圖書館

玩左陣冒險樂園就去好食店,撞到成班老師,不過得一個識就係王老師,突然有

d驚遲d返到去全部老師都唔識既,跟住又見到許sir+潘老師佢地..之後就落左

森林打機,佘仔返學,打左1粒鍾之後佘仔返黎,原來佢唔駛返..玩左陣cso就落左

去呀媽到玩pair牌,玩完就走啦..呀媽同佢地玩勁串,搞到鄺永死哂

孔仙洲琴日搞左單豬流感,送左比我地成兩個禮拜=直接放暑假,我都係想同1E

過埋E兩日,好悶..話說琴日鄺永夜晚打比我話好悶,我就同佢係MSN玩UNO,玩左

幾鋪我就瞓教,我問鄺永幾點瞓,佢話唔知嫁,我話買街車比你,佢話:我同你即刻啪

哂成樽安眠藥落去..今日醒左之後,老豆呀媽出左去,又得返自己一個同D電視聲,

好彩佘仔打黎傾計.傾傾下就打比鄺永,跟住就落左黎玩部跑步機,鄺永較到去8,

佢擺左隻拖鞋上去,即刻比佢彈返出黎,笑死..佘仔黎左之後,鄺永係到跑,我無啦

啦企唔穩撞左落鄺永忽忽個到,佢走唔到,笑死跟住就落去SALON同佘仔剪頭

髮,我叫個條友剪碎D,我同鄺永坐起到傾佢個頭點剪型D,點知剪左出黎都係咁..

之後去左HLW,去Q-PETS到買磨牙石,搞到好想養隻倉鼠,所以我叫鄺永拿拿林

"溫"住佘仔同嘉嘉李/wasabi(無計,得佢地兩個係女),等生左成"鬥"之後送隻比

我,d名有排改,叫佘乜野好呢?我地返竹園個時,佘仔話:鄺永你去電器鋪到買件

野比晴b啦,鄺永話:咁你又幾時買野比lkk同wasabi呀?唔好入我數返到屋企

佢地係我張床玩倒立,佘仔勁ya,鄺永跳街舞嫁喎,唔識至奇..之後上網睇人地既

blog自拍,包括佘仔家姐個d個d同個d..睇到鄺永瞓低哂,話佢死啦喎soso個

嘴真係呢,哇,唔係我講嫁,係佘仔+鄺永講嫁咋..

其實我地都咁fd啦,唔駛好似其他人咁講生日快樂,心照啦~

今日我地買左生日蛋糕之後,就上左我屋企,點知我老豆返左黎,我話佢地上黎

攞蛋糕(勁假)就出左去..我地去左後樓梯到切蛋糕,勁折隋但係只要同你地

一齊,再衰d都仲得跟住就係咁食,佘仔就算病左都食,我叫過佢唔食嫁啦..叫

到佢病個樣,講真真係好"心涼"(相反詞呀唔該)..之後就上左去停車場玩蠟燭,

鄺永整左件藝術品,勁令~之後就上左去34樓吹風,我地三個坐左係到大家挨

住大家,d風勁舒服,之後佘仔打左比嘉嘉李,本來只係想聽下佢把聲既,點知聽

聽下佢就出埋聲,佘仔就塞左個電話比我,我就話:e..你搵我呀?(好扮野)佢話:

乜唔係你搵我咩?我話:喔..跟住我問佢得唔得閒,佢話聽日得,傾左陣,我入正題

我話知唔知今日邊個生日?佢話:佘仔ar ma,我話:佢今日病左喎,嘔左十次,去

左十次"廁所",我聽到佢笑,之後佢話:喔!生日快樂..心諗:又唔係我生日,同我講

有鬼用?我就比左個電話佘仔聽,佢驚,我話唔駛驚啦~佢就聽左個電話,鄺永無

啦啦話我好急屎呀,拿拿聲啦,佘仔邊聽電話邊笑,傻既都知咩事啦,佘仔後尾同

我講返話本來肚痛,聽完佢把聲之後,即刻好返哂..佘仔,生日快樂

P.S.E排傾電話,鄺永+我+KK好鍾意屈佘仔同wasabi,有sk2,佘仔好鍾意睇雪..

鄺永今日話wasabi打比佘仔問佢無事,如果係我地佢一定話:死你就去啦..

今日就諗住7:00出去打波既,但係個個琴日都玩到散哂,瞓到10-11:00

先起身,醒左之後落左去book場,我地就落去打波啦,佢地打佢地既,我

就係到玩佘仔部psp,鄺永就搶左黎玩,我地最尾係到玩psp,佘仔比鄺

永一塊拍車埋去,成隻手瘀左..跟住我地去踩一個鍾單車點解咁少?因

為佘仔姑媽叫我地去唱k,你地仲唔死?我地踩左半粒鍾就去lu,去到個

到,我地攞73號房,我地一入到去,我竟然淆底,唔敢唱,好彩琴日無去唱

姐,如果唔去到聽歌擺啦..諗諗下,同佢地兩個唱姐,驚乜野姐?我點左

個首"紅蝴蝶",句歌詞我改左"世界什麼愛叫純潔 佘仔同xxx",佘仔攞

住兩個咪黎打我,勁好笑..之後我地點左最令既豬腩肉黎聽,笑到我地

乜咁唱完之後佢姑媽買單,我話我比幾錢?佢話:唔駛啦,我請埋你地

仲有鄺永唱k個時,佢同佘仔表弟玩ps2既足球,鄺永係咁犯規,最後演

變成,一個紅牌10分黃牌5分,high大左..之後出左去,跟住就去下面食野

又係食sushi食到我地生蟲..跟住佘仔打比我呀媽話撞到個中學fd,

佢呀媽話請我地食野,我又同我呀媽講話:佘仔姑媽請我地食野呀,之後

就食左陣野,佢地就送我去搭車..咁樣既朋友,唔鍚佢地,好難啦?thx佘仔

呀爸呀媽,生左咁既仔出黎,又識我地,搞到佢姑媽請埋我地食野唱k

p.s.好累呀~聽日先POST返琴日既相