今日去左黃愷婷屋企玩,都係唔講佢住邊啦,去到之後坐係到睇電視,幾悶,食完野之後就落

去會所果到玩捉e因,成層喎邊到都"哩"一餐..跟住就上返去佢屋企坐,陸,儀,豆腐個d係咁

係到玩佢個琴,係咁教佢地個首"夢中的婚禮",係咁係咁彈,跟住又係到問黎問去,唔知係幾

時我講左句:妖!佢地係到笑,都唔知笑乜,人都"玟"呀,到而家仲有d鋼琴聲添,突然間覺得鋼

琴聲勁煩,仲有個首歌勁想打佢..之後就落左公園玩,係到玩捉e因,都幾好笑,陸要快d返屋

企,跟住佢做捉,我地唔想佢走就係咁"哩",佢追到黎,lily一轉身批爭落我個肚到,成個挫底

左,我又唔知整到佢邊..無幾耐就走左啦p.s.之前有d好笑野無打落blog,1:鄺永係圖書館

係到讀天氣報告個本書,勁好笑讀得 2:我地係我呀媽鋪頭笑緊紫菜個時,有個小朋友對住

我地3個360度咁liu nose屎,笑死我地 3:佘仔個親戚,佢話:一個翻板wasabi,我話:下?人

都有分正板同翻板嫁?佢話:唔係,佢地兩個個樣勁似,同埋都係機不離手既=手機唔會離

開隻手,同埋其他野都勁似..我話:喔..咁你唔鍾意佢?你唔係同我講之前諗住鍾意過

wasabi嫁咩?(e句好難解)佢話:下..(佢都停左一停)唔係呀我話:呀係喎..你係果個呀ma

(廢事打佢個名,等陣又比佢打,祝我好運,呀你lu廿)

今日11點幾先醒,鄺永話想出去買倉鼠,本來琴日出左樂富既,點知街市個到"汁"左,唉..所以

今日諗住唔返日文,點知佘仔打黎話佢唔去啦,話唔得閒,之後就打比嘉嘉李叫佢出黎,佘仔又

打多次電話比我,問:你唔去呀?我話:係呀!約左嘉嘉李同鄺永出去玩呀,我聽到佢把聲好想同

我地出去,真係可惜呀之後我同鄺永約左係下面等,就上左去慈雲山搵佢,係洪記同呀e吹

左陣水,佢話今年d可立派得好好呀,有條友入左協恩,勁喎!20個入左可立,有幾個入左文理,一

年比一年好喎,其實咁聽到都好開心,鄺永問:你係可立入面做嫁?之後就上左去佢樓下,係到

等佢,係咁流汗,一路用呀e比我張濕紙巾,而家諗諗下,咁咪姐係用極都濕既?跟住等車,10架有

11架都滿哂人既,去到mtr之後,個架車就黎刪門,行行下鄺永話:去車頭啦,不如跑囉..跟住之後

我地9秒9跑到去,跑到尾2個卡,我話:不如入左去先啦,等陣刪左門仲死..去到車頭之後,有兩個

人企係嘉嘉李隔離,佢叫我擋住佢地喎,彩佢都傻..跟住果兩條友無啦啦攞住本地圖係到笑,到

左太子,佢地話去mk呀ma,跟住個條友話e到出咪岩囉~佢地走左之後,我地人係咁係到笑,無病

呀?出mk係太子落?佢地以為轉車..去到mk之後,鄺永同我講話唔知金魚街係邊喎,跟住就係到

問人,細路話慈雲山都有啦,做乜要去mk買呢?我好想打鄺永,佢話我岩岩先醒起..去到金魚街

之後,就買左兩隻倉鼠,一隻係我,一隻金毛,佢地話叫乜名好?嘉嘉李話叫欣欣,跟住我話另外

個隻叫榮榮呀ma,欣欣向榮..又係到笑,其實唔好笑..跟住就去左我呀媽鋪頭玩啦,係到玩pair牌

我呀媽話鄺永鈍胎,笑死我地

p.s.人既潛意識真係唔知點,平時都唔掛住啦,但係偏偏發夢先咁..倉鼠家族:鄺永=爺,晴b(死左)/

wasabi=鄺永老婆(夾硬配上去既)佘仔=鄺二世,嘉嘉李=佢老婆(係因為e個原因,上面個兩個你想

做佘仔老婆多定鄺永啦..?)我=佘二世/鄺三世,金毛=我細佬/哥啦就..嘉嘉李咁生得既?sorrysorry

今日係我老豆要返大陸同佢個fd玩既日子,好似要去1個月咁,但係我琴晚點都瞓唔到,可能

係擔心佢,我熄機之前,佢行入我間房幫我整一整張床,又話:聽日爸爸走個陣,你仲瞓緊教喎

唔知點解好想喊咁,瞓瞓下諗起之前咁憎佢都係錯既,跟住就#$^&$^$@$%&,係到聽歌聽到

5,6點都瞓唔到,直接唔瞓啦..今日醒左之後,呀媽問我:佘仔無打比你咩?你自己去定點?我話

佢打係遲早既事,之後佢就打左黎,叫我自己去,佢係個到等我,去到之後我地就上去個到等,

輪流玩一鋪psp,玩到間房開左啦,我地就入去坐最後面個個位,擺明玩我,近視到咁,真係睇

唔到,佢係到玩psp,因為佢呀"ma"要佢做哂d功課先可以出,所以我博命同佢做哂d功課,做

到sir黎教日文啦,跟住佢攞左要畫左乞e既紙出黎,佢話:忠忠直直,佘仔勁大聲咁話:終須乞

食..之後上完啦,我地就搭車返去,呀係啦呀SIR教左"喔卡呢"=錢,佢話去日本個時有人話:

有"喔卡呢"汁呀,都識得衝過去汁呀..我要幫我呀媽睇鋪,佘仔上完圖書館就落幫我,黎左個

講英文既,食啦今鋪,隔離個姐姐行過黎幫我地,D英文勁到我地O哂嘴,我從來都自認英文

唔好既,合格我已經好開心,佘仔成日係到話自己英文幾勁,而家呢?跟住遵上森林搵鄺永,

就去左我屋企玩PAIR牌,就GOODBYE啦~

近排都同鄺永,嘉嘉李傾電話,嘉嘉李問我整海綿蛋糕可唔可以唔落發粉?e個問題好難答你,導

致佢個蛋糕變左餅,佢只係食d脆脆地既邊,陰公...琴日由10:00傾到3點幾差唔多4:00,其中傾左

勁多野,就講起佘仔講左xxx既事,嘉嘉李竟然話:下?我以為你地玩緊誠實興大膽,唔係你提我都

唔記得左我同鄺永係咁笑,因為佘仔講左之後個幾日又悲而愁,又話好掛住佢又話點點點咁,

點知人地晨早唔記得左,唉咁耐無見真係好多野講,我問佢有無掛住過我地?佢話緊係有啦,

比佘仔聽到一定好開心,佢最掛住鄺永跟住我跟住佘仔,我講左句:掛住我?掛住我d錢呀..?佢

地係咁係到笑,我好傷心呀,我話人地銀行,其實講講下我自己先係銀行..嘉嘉李話佢今日返澳

門,所以今日7:00叫我地起身食早餐,好啦,今日最早醒果個係鄺永,跟住我,跟住嘉嘉李都唔知

佢係唔係死左?全部都無人聽既..鄺永又問我禁錢,唔係唔係,係生日禮物,話今次真係真嫁啦,

真..緊係真啦,你邊次同我講係唔真嫁呀?

話說琴日晚同鄺永傾電話,話自己畫個D T,佢個件前面寫住DOE=屌,後面寫住生人勿近,佘

仔個件前面係一個柒字,後面寫住內有惡X,我就諗左好耐我個件寫乜好,諗諗下就話前面寫

個勇字,跟住鄺永即刻話:後面寫住精忠報國呀MA,咁都唔錯呀,不過前面個勇好KAI..今日要

去學日文,呀媽話要同我去,我仲細咩..去到之後就同佘仔行五層樓梯上去,9秒9上到去,你係

長跑姐,我唔係呀MA,上到課室勁喘,但係又要扮無乜事,真係辛苦..佘仔坐我前面,個呀SIR講

既野,我同佘仔邊聽邊瞓教,勁無聊,當我地幼稚園咁,坐我隔離再後面果個,就咁睇過去好似

幾令女,諗住叫佘仔溝佢算啦,點知睇真D,唉算啦,PIG..差唔多就上完一堂啦,我地邊行邊講果

個女既,佘仔話頭先都有望過佢,上上下有個顏雪茵二世入左黎,仲有個呀sir話e個咪令到佢

把聲好沉喎,我同佘仔講:而家叫你開演唱會咩?之後就返左屋企,去左ok買野食,話爭兩毫子

就可以攞印花,又諗唔到買乜好,突然醒起:加個膠袋咪5毫囉!點知佢話唔計...