琴日媽媽同我講, 我有一個表哥, 因為身體不舒服, 入了院...起初以為只係一d小事, 點不知說起原來是大件事, 仲要入了"深切治療", 原因係糖尿超勁高, 血因為食成藥的關係而感染細菌, 肝臟亦可能是食左呢d藥而生了個大瘡...舅母同媽媽講, 現在他雖然已做了手術, 但好似仲未醒過來, 而他全身亦生了瘡, 因為血有細菌手腳是凍而腫的, 完全沒有血到的, 舅母亦話因為血管塞了, 要從頸還是其他地方切幾舊骨出來, 總之就唔知係邊切黎做手術通血個類...但做完呢個手術...我表哥佢...可能要永遠住院...及...下半身...........

 

我一家跟他一家非常親密的, 小時候我同亞哥經常去他家玩的, 我呢個表哥, 從小就已經很肥很肥, 給人很可愛的, 而且心地也很好, 做人非常上進, 在半工讀時完成大學學位, 現在好像是讀碩士的, .......其實一個咁有上進心, 一個很好的人....個天點解要佢咁樣受苦...要咁樣折磨佢呀

 

媽媽一路講, 一路咸, 一路話點解呢個仔要受呢d苦, 他從小我媽媽就很錫佢, 而表哥亦很尊重, 很錫呢個姑姑, 甚至比他媽媽 or 爸爸還會多...他有時間就會同我媽媽飲茶, 有甚麼都事都會同我媽媽講...媽媽因為佢咁依家非常非常傷心, 只想佢無事大步走過......

 

現在我地都唔知可以做咩幫到佢過呢關, 唯有不斷的祈禱祈求他可以無事出院......, 雖然知道求神拜佛不是可以幫到他, 但我地可以做既都只有這些, 其他就只能靠醫生的醫術, 及他自己的意志力......

 

神呀~~求求您! 救救他吧!!