國足○八之最“恥”

    二○○八，國際足壇波瀾不興。C朗拿度當“紅”、美斯複製“老馬”兩記經典入球、馬拿當勒領軍阿根廷，西班牙四平八穩奪得歐洲國家盃，都不過是一時話題，無歷史性突破。相對而言，國人更深刻，但亦可能係更唔想提嘅，會係中國足球沉淪到極點。

    正如好多足球評論員、吹水佬，柏高絕少談論國足，一來除了臭事，國足根本沒啥好談；二來，睇咗咁多年國足，從希望、觀望、絕望、心死，到恥笑，大概國足就好似其他球星嘅古仔，是浮是沉，關卿底事？

    內地傳媒盤點○八，國足沉淪嘅表現，同四川地震、北京奧運、三鹿奶粉、兩岸三通等民族大事、國家大事並駕齊驅。無他，當一個擁有十三億人口、經濟市場舉足輕重、綜合國力持續上揚嘅泱泱大國，其國家足球隊竟然喺世界盃外圍賽出局、奧運主辦國喺分組賽出局、國內頂級聯賽除了球隊退賽再無任何話題、零丁嘅留外球員都被國外三流聯賽球隊打道回府、假波與“球霸”成家常便飯……中國足球，“功利”早成奢侈，“快樂”更係天真；但如果足球再不快樂，這個國度還需要足球嗎？

    答案為“可以的”，只不過，足球再唔係正常競技，而變成“衍生工具”、“次文化產業基地”，衍生咗好多足球之外嘅文化現象、文化產品。例如：今年國足炮製了兩個“殿堂”，一是流行歌曲《國足歡迎你》：“我家球門常打開，開懷容納天地，一個兩個不算稀奇，再多也輸得起……”；二是網上口頭禪：“你很國足。”聽說呢句口頭禪百搭好用，女人對住男人講、男人對住男人講，都有不同效果。

    國足尊嚴掃地，新一年，可有改變？

    柏  高

Ref:

http://www.macaodaily.com/html/2008-12/29/content_265517.htm

wherever is problem, wherever is mistake, how can Chn team flourish?