搬屋….又搬屋了….十年內搬了三次屋, 這次算是最辛苦的一次了, 因為今次真的太煩了…~’~!! 雖然我知道老公已盡力將所有工作自己完成, 但見到他因為這次的搬屋及新屋的裝修事宜而煩惱時, 我就會覺得好唔開心, 佢一煩就會食煙, 而且我琴晚攬佢時覺得佢好似瘦左…=.= 好心痛… 唉!! 但又唔知點同佢講..(怕煩到佢……做女人真難…)

每次裝修我都會感覺到老公十分重視我的意見, 所以好多時我都只需要講出要求, 然後其餘的他會搞好, 就好似去旅行, 他只會問我想去那, 然後他就會安排….老公你會寵壞我的, 我會變得好懶惰但又很高要求….會冇人同我做朋友架…><!

上星期六陪了秋秋同德德去了黃大仙, 我去到門口沒有進去, 因為很多人, 而且小時侯候陪媽去黃大仙的經驗是每次也哭著出來, 因為每次進去我都會被那些香煙弄到不停流眼水, 而且每次雙眼都會痛好耐才會好, 所以我就決定在門外等他們….但當他們走出來時竟不是找我, 而是一支箭跑去找解簽人解簽…><!!　我當然走上去罵他們遺忘了我..><!!

然後就八卦地坐在一起聽解簽…..解完簽後秋秋再要求他幫她睇掌….要200蚊架.!! 於是德德也睇….搞到我都想睇下….不過因為我在大佬有事時睇過一次, 所以就覺得不用再睇…誰知德德竟然話, 手掌會隨年齡而改變的…=.= 那我豈不是每天也要比錢佢…傻架…不過都隔左咁多年, 其實睇下都冇防呀….不過到最後我還是冇睇到, 因為我怕佢講我不好, 我會不開心……但我還是很好奇, 所以今天上網找了一些關於斷掌的說法, 原來原因有很多, 第一.斷掌有可能是遺傳的, 因為我媽也是, 而且如果懷孕時媽媽不開心, 心情會令到胎兒心情也緊張起來, 所以雙手會握緊因而會出現斷掌., 而當胎兒出世後他的性格也會因此而定了形, 他會比較急躁, 易怒…而斷掌的人的性格會比較特出, 好易認, 他們會比較決斷, 一就一, 不愛就不愛, 愛就愛到底, 黑白分明, 沒有灰色地帶…其實總結真的太似我了, 回想, 其實我的性格真的很難頂…太直接了, 不理別人感受, 太主觀了, 真難為了老公要頂我咁多年, 不過我相信我已改變了很多了.^0^ 我不相信斷掌的人就是不好, 每個人都會有些性格上的特質, 我希望我可以改得更好.