今天我們一早就起身, 因為老公話同我去石澳游水, 不過去之前要去尖沙咀睇左醫生先, 一搞就搞到下午3點, 而且去到中環才發現那直接車今天沒有, 於是老公提議搭的士去, 我當然唔想啦, 因為要成百幾蚊…覺得唔化算…~”~

但一場來到, 行李又有齊, 唔落水好似對唔住自己…

結果都係叫了的士去石澳, 一去到就去士多租了橡膠船, 放行李及沖身的東西…然後就立即衝向沙灘…

嘩….咁多人嘅…之前來過幾次, 都只是遊車河, 都未試過來游水, 也沒想過會有那麼多人…好勁呀..^0^

我們下次一定不會再穿著拖鞋去沙灘玩的了, 因為每當我們衝浪或被浪衝到反艇時, 我們都要找回我們的拖鞋, 怕的是要赤腳回家….~”~

好正呀! 我們不斷玩衝浪, 那些浪可以打到很高, 有幾次我拖著艇, 都搞到老公反艇…因為我不夠力…有一次當反了艇我一浮上水面見到老公已被浪衝到岸邊了, 然後又一個浪把我打入水中, 還在水中打了一個十分精彩的360度旋轉….勁呀…>0<..好開心呀…我們就一直由四點玩到七點先走去沖身…好正呀…下次要再玩過…

當晚上合上眼睛, 又見到海浪向我們打來….不過玩完好攰…周身酸痛….