終於等到今日啦,我和黃毛下午好早吃晚飯,同咪洗白白,今晚要去睇陶喆....我們都係第一次睇他的演唱會,八點半開始,他唱現場好好聽,又夠氣....原來他已經有三十九歲了,他不停甘表演結它,最令人佩服係其中一位女和音,樣子都ok,人高又瘦...估唔到她識甘多樂器,有小提琴,笛子,結它和長拿叭,十一點半先完場,覺得係依家香港d歌手得個樣,無咩突出,平時我都好少聽香港d歌,都係喜歡台灣歌手.....遲d有王力宏...唔知去唔去好呢.......

     今日我自己一個人返深圳,黃毛就返公司做野,天氣麻麻地地,過到去同啊沈行左陣街,我們仲去左星巴克飲野,之後返左她屋企,本來話抱啊B出來去接少慧,但他已經訓左,而我都累到係啊沈張床訓左了,到了少慧返到屋企,她抱住啊B出來,成個媽咪LOOK,無見几個月,少慧肥左了,希望她唔好再肥啦,晚上去左壽司皇吃,啊B不停甘睇住我們吃,仲同他不停甘玩,吃完之後,仲睇他坐車車,長大之後他一定係個叻仔,靚仔,甘細個就已經甘靚仔,有個甲人仲以為啊B係女仔...哈哈.....等他差不多一歲果陣,我會再過去探他,啊沈明天要雙方見家長了,好事將近,希望會順順利利了.....

      我今日返半日,下午提早放Easter, 本來話去睇花展,但聽完黃毛講今年同去年差不多一樣...唉,年年都差不多....都無咩興趣睇,於是我們去左旺角行...仲玩左兩個地方的冒險樂園,我買左只手表給他,他自己買左兩件衫,今次係他大有收穫啦....行到晚上等屋企打來,今晚同屋企人去飲,黃毛就返屋企自己煮,平時都係我等他回家,今次到你等我回家啦,係酒席上見到好多親戚,已經有十年几無見過他們啦,爸爸今晚飲得好開心,這刻我覺得家鄉會適合他,細佬飲左好多,不停甘話眼訓,死都唔認飲醉左,之後十一點几我們都閃人,我自己一個人坐車返西環.

      今晚同maggie,kyle,gigi,pak,kit,wilson,ween去左apm吃飯,他們話想同我慶祝生日,昨日係我農曆生日,但我過得很不開心,好彩今晚對住他們,心情都好返好多,每次同他們一起,總是有搞笑話題,一點都不會覺得悶,我們book左枱吃泰國菜,之後係citysupper度吃個甜品,到了九點几,我們去左看電影"我的最愛",我睇完之後都覺得ok,而且有d搞笑位,自己好朋友喜歡上自己男朋友,係現實生活中都會有依d事,好彩我無遇到,哈哈....唔知每個人心目中邊個先係最愛呢?多謝他們今晚請我吃飯和看電影.........

    係情人節果日,黃生送左d種子給我,於是我拿返公司種,開始都几順利,黃毛話依棵係芝麻,結果到處d人問我,我都答係芝麻,最近行開超市,發現果棵植物,個名係寫住三葉草...唉.....今日返工發現它死左,係甘就完結生命,想緊下一次做咩好,這棵都算係成功了.