| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2008 年 2 月 16 日 星期六  |
城城2008  |
上年我同黃毛睇左城城演唱會,今年知道他會開多几場,於是我一早就買飛,和上年不同的地方係今年要去机場博覽館睇,對我們來講都不算太過遠,下午我們係時代廣場行左陣,仲捐左二十蚊,可以做下善事,又可以拿禮品,但要排隊,給我們只係拿到一個草蜢,風車和龍鬚糖,之後我們去左飲野,係得星巴克度先找到位,六點几去左吃小龍包,晚上終於去睇城城啦,今次個位好近呀,氣氛好好,雖然上年睇過,但今次睇返更加好睇,他D衫閃過不停,仲露左個八月十五,我隔離個女人睇到不停甘笑.....睇完之後都十一點几,我們就回家.
|
| 刊登時間：2008-02-17 07:08 PM [ 訪客留言(0) ] [ 編輯日誌 ] [ 分享至FACEBOOK ] |
| 2008 年 2 月 14 日 星期四 |
| 情人節 |
今日係情人節,上年到處見到D女仔抱住一扎花,但今年就少左啦,一放工我就去左APM買野,之後等黃毛過來,今晚我們會去睇 "留給最愛的情書"全場爆晒,好彩我們一早係上網訂左飛,可以坐到靚位,套戲超好睇...中間的情節有搞笑有傷感......好多女仔睇到喊...而我就無她們甘勁,只係心入面感動,睇完之後我們去找野食,可能今日係情人節,好多店的門外都排晒隊,最後我們去左CITYSUPER吃.吃完之後都成十點几,於是完成,黃毛送左一棵植物給我.
留給最愛的情書 (P.S. I Love You)
| 導演: |
李察拿加雲尼斯 |
| 主演: |
希拉莉詩韻,謝拉畢查,麗莎古杜,夏利高歷,珍娜姬遜,謝菲甸摩根,嘉菲比絲 |
| 片種: |
劇情 |
| 日期: |
2008-02-14 |
荷莉甘迺迪 (希拉莉詩韻飾) 是一位美麗時髦的時代女性，與青梅竹馬的玩伴謝利甘迺迪﹝謝拉畢查飾﹞結了婚，謝利是一位有趣但又性急魯莽的愛爾蘭人，他們互相了解，熟悉對方的一切。兩人生活原本幸福美滿，羨煞旁人，但天意弄人，謝利不幸得了腦腫瘤去世，留下荷莉一個人，獨自面對未來。
謝利的離世幾乎令荷莉崩潰，可以令荷莉再站起來的相信只有最了解她的丈夫，幸好謝利在離世前已作好安排，他了解荷莉會因他的離世而沮喪，所以事先預備了12封信，伴她度過頭12個月沒有他的日子。
第一封信在荷莉30歲的生日送到，並附上生日蛋糕及謝利的錄音帶，囑咐她要出外和朋友慶祝生日。之後她陸陸續續收到謝利以不同方式留給她的信，每一次她都有一個新的體驗，有新的得著並重新認識自己•••每一封信，謝利都以一句 “P.S. I love you” 作結尾，讓荷莉仍然感受到他對她的愛。
荷莉的母親卻擔心這樣反而會令她對謝利更加留戀，更加依賴，但事實是每一封信都引導荷莉向前看，讓她對婚姻、友誼有新的看法，知道濃烈的愛可以轉化成為動力，讓她走出陰霾，在自己的人生旅途上重新出發。 |
| 刊登時間：2008-02-17 06:55 PM [ 訪客留言(0) ] [ 編輯日誌 ] [ 分享至FACEBOOK ] |
| 2008 年 2 月 12 日 星期二 |
Tracy新屋  |
本來約啊羅他們這個星期去Tracy屋企坐下,點知啊羅唔得閑,於是打算今日放工自己過去,點知啊娥她今日得閑,於是大家約咪,上到去仲有糖水飲.....Tracy煲的.仲有利是拿..好開心呀....間屋企雖然唔得好大,但兩個人住都夠,我好喜歡兩間房之間用一個大衣櫃隔住,一舉兩得,主人房都ok,一張大床,一張化妝枱....另一間房放電腦,我們仲係度睇返Tracy結婚果陣的相和DVD....睇返的感覺好唔同,大家都覺得好搞笑,之後我們出左去吃飯,多謝孫生孫太...... |
| 刊登時間：2008-02-17 06:45 PM [ 訪客留言(0) ] [ 編輯日誌 ] [ 分享至FACEBOOK ] |
| 2008 年 2 月 10 日 星期日 |
| 返家鄉 |
好耐都無返過去啦,今次由我,媽咪,黃毛一起返去,早上我們好早出發,到左羅湖仲要坐大巴返去,黃毛不停甘訓,甘早叫他出來,都知他好唔慣,返到去都係十點几,個個不停甘講客家話,黃毛就不曉講亦不太聽得明...足足悶左一個下午...包括我都係,平時黃毛都 好怕狗,但一見到我小舅父養的狗,就喜歡它,只狗好得意,它仲曉跳高,好似彈工甘可以連續甘跳.我細老之前自己一個人返左來家鄉,今日會同我們返去香港,下午三點几我們坐車過去羅湖,去探我表姐屋企人,她們一家人都係講廣東話,對於黃毛來講就無甘悶啦,至少都知他們講咩,晚上七點几就閃人,今日真係好趕,明天仲要返工....四日的新年假已經完左. |
| 刊登時間：2008-02-17 06:37 PM [ 訪客留言(0) ] [ 編輯日誌 ] [ 分享至FACEBOOK ] |
| 2008 年 2 月 6 日 星期三 |
| 年三十晚 |
新年啦...好開心呀,今日係年三十,公司提早放工,一到四點我就閃人啦,我同黃毛係德福度行,仲玩左陣冒險樂園,之後去睇手表,以為要等下星期先買到,好彩係另一間度找到好多靚表,最後買左隻鐵達時,這份是情人節禮物,我要好好甘對它,行到六點几就趕住回家吃飯,今晚有我,黃毛,媽媽和爸爸吃飯,細佬返左家鄉,黃毛吃左四碗飯,之後我老豆話人唔可以太肥,太肥會對身體不好,哈哈....之後我去洗白白期間,我屋企人給左兩封利是他,到我洗完出來,他係我面前晒利是......九點送他去坐車回家.
|
| 刊登時間：2008-02-07 10:12 AM [ 訪客留言(0) ] [ 編輯日誌 ] [ 分享至FACEBOOK ] |
« | 4 | 5 | 6 | 7 | 8 | 9 | 10 | 11 | 12 | 13 | ... | 40 | »
|
