今日係八月八日,又係一年一度會考放榜啦,仲記得几年前我放榜果陣仲要戴住口罩,果一年是沙士期,每日都要戴住口罩入場,仲搞到我皮膚敏感,每一日都會係屋企溫書,有時溫到凌晨,簡直係地獄式訓練,結果係放榜果日收到張成績表有d不開心,因成績不太好,返到去又要面對屋企人,好彩他們一句說話都無話過我,而我都知自己已經盡了力,結果我選擇出來做野,本來我想去讀設計,但見到個價錢就放棄,到左今日輪到我細老,中午打左電話返去,他的分數仲高過我當年,但無得升讀中六,屋企人都好擔心他前途,我自己都想他可以繼續讀書,今晚返去會同他傾一傾 ,希望他會去讀ive.

ps:今時今日我最新讀的是時裝設計.

      好開心呀,今日不用返工,我同黃毛在上個月已經講好左,會拿一日大家放假,於是選擇了今天,中午我們坐車去海洋公園,係我們第一次一起去,雖然天氣好熱,但無影響大家心情,我已經有六年几無去過啦,一入到去不停甘行,終於見到d机動遊戲同咪d館,我們去左睇

水母 (真係好靚,在黑暗中發出光芒)

鯊魚(有鯊魚bb,好得意,.有不同種類)

海洋劇場(d海豚好似人甘,識得拍手,識得打翻豆)

熊貓(佳佳,安安,樂樂和盈盈都訓到成隻豬甘)

仲坐左纜車(可以看到下面的靚景)

最後我們七點左右坐車返去,今日不停甘飲水,返到去先知今天係今年最高氣溫,真係感謝個天,雖然我們一項机動game都未玩,但睇左依d野,都好開心,覺得今日放假係值得.

    上星期睇冷氣,結果無睇中,今日打算去睇多次,未去之前我們去左pizza,第一次去依間野吃,間野好大,而且環境都不錯,黃毛真係識得吃,我點左一碟意粉,而他叫左一份意大利薄餅,開頭可能自己吃唔慣,吃到牙都痛,不過吃到第三塊都覺得無野,吃完我們上去最高果層睇冷氣,睇左好多,結果係中原買左部,下星期六可以有得吹冷氣,因為d錢拿左來買冷氣,我們下個月要節省,好期待下星期六...

      今日一早起左身,約左Tracy他們在灣仔,結果我們遲到左,於是叫左他們上去先,依家先十一點几,有好多人呀,比昨日仲多,簡直係人山人海,經過昨晚我已經做好心理準備,上到去見到Tacy啦,我們倆對情侶分頭行,本來以為我今日唔會有書買,點知又買多左几本啦,而黃毛就買左兩本,我們都行到又餓又累,頂唔順吃左小小野,今次我連hall7都行左啦,好勁呀,而Tracy他們買得仲多,兩對手都拿唔晒,最後我們去左吃意粉,吃到四點几就散場,我同黃毛累到一上車就訓著......哈哈.....連續兩日都去行,雖然係好累,但好開心買到自己想要的書,我一共買左六本,比上年多好多,我一定要睇晒它們....

      今日一放左工就去書展,未到已經見到有好多人向住同一方向行,都算順利,入到去我們(Maggie,Maggie的朋友,Wilson,Ween & Pak)分開行,今年同上年不同係多左几個HALL,之前係書局睇中的書我都買到,仲有得便好開心,行完HALL 2已經好累,我都未詆過行到甘累,於是我們係反灣仔吃飯,本來係吃肯德基,點知十點就要關門,好彩無几遠有茶餐廳,一入到去坐低果種感覺好舒服,吃完我們就散.....明天見啦...書展