今日六點起左身,平時我返工都無甘早,七點就同啊媽返家鄉,早上天氣好好,心情都靚,返到去都成十點啦,我都已經好耐無返過去啦,起碼最少有一年甘多啦,見到公公身體都几好,我都放心,小舅父屋企靚左好多,仲有一部47吋電視.......有錢人特別唔到,仲有三條大狗.....如果給黃毛見到d汗都唔知要流几多,下午三點几就閃人,出面突然下雨,加上又塞車,成九點先返到屋企.........好勁呀....下次我返去帶咪黃毛..........見d大狗......哈哈.....

晚上黃毛打給我,同他傾左一陣,個傻瓜真係走去買GUCCI袋,下次唔好買甘貴,仲有係快D返來......雖然依家屋企有電腦上網,唔會甘悶,但都係挂住你......

          晚上為了送別三位同事,去左吃泰國菜,我都係第一次和他們去吃泰國菜,D野都OK,不停份量比較少,吃完我已經覺得眼訓,可能因為早上的一封信令到好不開心,最後果封信都解決左,但我仲係有D擔心,講下今晚的人,有我,Maggie,Gigi,Queen,Jim,Pak,Wilson & Win........吃完仲有甜品呀....間野都几好吃,其實我碗甜品都几好吃,果碗野真係熱,所以我慢慢吃.......吃完都係十點,我返到去十點四咋.....超早呀.......仲同黃生傾左陣就去訓左.......

         放左工同Tracy去明愛拿課程 (即係返我屋企)....哈哈...我們都打算讀下英文,今次唔知咩動力令到我會甘有興趣去讀,之後我們去左德福行下,我不停甘去睇皮帶,結果都係果間d皮帶好d,於是去左買,成二百几蚊,有d心痛....仲給Tracy串我,話我唔係存錢咩....唉.....買完去左吃米線...間野係我第二次,兩個都係吃左一百元正.....好低......我們仲傾左好多野,由以前到現在.....大家都不停甘成長.....本來打算返去,點知Tracy話行咪果間店,結果我一見到d皮帶挂住度........於是去睇.....點知我剛剛買的皮帶這裡有,而且四十元.........OH....我的天呀........好不開心.........不過回頭一想我的是有牌子..........它沒有,它是冒牌東西.........這些都是我自己安慰自己的話........離開這個傷心地方.......最後我們分手回家......今晚黃毛要飛,飛去太平洋.........一邊回家一邊同他傾,你要小心身體........

    今日天氣好熱,點解上星期日唔給個甘好天我呢,我們連早餐都未吃,就坐車去黃大仙睇樓,今次居屋地方靚價錢都几低,好彩係中午吃飯時間,都只係等陣半個鐘左右啦,一入到去超多人睇,四同五座都睇完,我同他都覺得ok,之後我們去左德福元氣吃,可能天氣熱都無咩想吃,仲玩左陣冒險樂園,我們見咪今日,可能要等下星期六先見到啦,晚上我返去再考慮清楚,最後我都係決定不抽啦,打算明天同黃毛講,唔知今次你離開香港,我會不會好似上次甘悶呢,哈哈.......

      今日輪到我返星期六啦,差不多一點果陣給David叫左入房,傾左差不多一個鐘,內容都係有關我人工問題,結果他話要考慮下,之後我返左屋企訓左陣,六點几先過去銅鑼灣找他,我們都無咩目標之下順便甘行下,仲入左去gucci店到睇,黃毛過几日又要飛啦,他話去果度買個袋給我,雖然我都几喜歡gucci,但我知道好貴,如果二千你就買啦,超過就唔好買,甘貴我會心痛,最後我們去左西環玩冒險樂園,見到好多飛出左來我好開心,最後有五百張呀,但我就給黃毛鬧,他怕我會好似d師奶甘深迷,放心啦我一個月只會玩兩次,當我換到我想要的野時,我以後都會玩啦.........

     晚上我們去左吃海鮮,間野吃過一次已經愛上啦,特別係黃毛呀,等我加左人工請黃毛吃d更好野,吃完都成十點几啦,之後返左上去,我媽咪仲叫我拿兩個芒果去吃,好彩無壓爛,點知原來有一個係不熟,黃毛個樣已經話我知係好鬼酸.........哈哈.........下次等小妹拿個又大又甜給你呀.......