這個星期對我來講真係好辛苦,每日返到公司,根本連透氣時間都無,每一分每一秒都無停,教完依個,又要去教另一個,原來教人真係不易,我係咪要放棄呢?我自己負責的工作本來都多,仲要一對三,我只可以講"扑街",個個教極都不識,一係無反應,一係錯完又錯,另一個係有代溝,我的天,不如你一刀殺死我算啦,輪到果個pk,一日打成十次電話來,吊........(對住他唔講粗口唔得),日日都給他煩死,講真我已經好累,今日我請左病假,一來我真係唔舒服,二來我想係屋企休息下,再係甘落去,我真係頂唔順唔做,講真你給人工又唔係多過人,就要人做甘多野,仲話要做咪人事部d野,你去吃屎,我給返人工,你同我洗腳啦,明天我又要返工,我想清楚,他們錯我不理,你叫我做的野我會做一半,你係甘打給我,我會挂起來不聽,擺明等你抄我呀,吹咩..........

      早上為左去睇八一隊,一早起身,仲要坐的士去上環,連早餐都未吃,為左今日,黃毛之前排左成兩個鐘隊先拿到,他都係因為我想睇而去拿,真係好多謝你,答應你未來一個月會聽你話,你講得對無第二個男人會甘做,天氣好熱,但我們仍然坐係度睇,但有D失望,表演無想像中甘好,加上只係表演半個鐘,本來再去觀塘,但真係好累呀,結果我們返左去西環,租左套"回魂夜",睇完我就訓到成只豬甘,哈哈...下午又要出動去睇SHOW,多數都係老人家,D啊姐化到變仙女,可能個天都頂唔住,結果下了一場大雨,個SHOW取消左,好彩我們行几近可以回到家,晚上煮咪飯送各自回家,今天真係又熱又累的一天.

     放假啦,這個星期真係很累,中午過去找黃毛,因某d事,給人整到生氣,最後當然無事啦,我們仲好開心去玩,下午六點几就去灣仔,準備找個靚位睇煙花,一路上就見到好多人向住同一個方向行,好彩我們都找到個好位,為左消磨時間拿左部NDS玩,煙花開始啦,真係好靚,連D菲傭都來睇,十週年果然不同呀,係天空上出現十字和中國人,好特別,上次係尖沙咀睇都無甘清楚,今次真係睇到好開心,睇完我們返左去西環吃飯,吃到我好飽,仲係海旁度傾下計.

   今日係Maggie最後一日返工,我同她都係第一次一起返星期六,係依間公司帶給我們好多回憶,每天我們都會一起聰歌,一起吃飯,一起訴苦,一起開心,但依d一起由下星期開始就會消息,最後一日唔知她心情會點,不過都希望她下星期返新公司開開心心.

    放工之後我們和gigi一起唱K,可能Maggie太多野要搞啦,我就過去找gigi先,她成二點几先到,今次我又唱浮誇,可惜唱唔到給Maggie,本來打算練下d歌,但近排好多野做無時間,本來唱完去旺角行街,但天不造美,落雨落到狗屎甘,於是係德福行下,間間店都話大減價,但都減得唔係好多,本來陪她買衫,結果.........唉........晚上gigi無同我們吃,得我們兩個就去吃別府,九點几我們回家,Maggie仲同我講左句野,令到我好感動.

     拿起雨傘在雨中行返去,見到有部80車,她真係要走啦,下星期得返我一個,坐我旁邊唔再係Maggie,而係一位新同事.....

      今日Maggie請我吃cake,哈哈...都几好吃...晚上就到我們請她吃,當然去吃她的至愛---壽司,無見Kyle一排,又肥左啦,個Pat Pat仲係甘大,如果他係女性,一定好生養,阿Pak就不停甘給人拿來開玩笑,又係度笑他和Queen,而Queen就好少講野,其他人都無咩特別,Maggie仲請我們飲野,我們仲一起玩大富翁,結果我同kyle一組變左大贏家,哈哈,無論去到邊我們都係離不開大富翁,十一點我們各自回家,結果我坐錯車呀,仲坐到去竹園村,我的天呀............今晚都無飲過酒....做咩會發生依d事,最後我係成十二點半先返到去,平來可以半個鐘返到,依家........無話可說....以後真係要四眼盯住先得.....