昨日收到啊沈電話,她會今日過來香港做事,晚上想去我屋企訓,因為我屋企太過細了,於是打算帶她返西環訓,晚上我同黃毛去吃飯,本來想打邊爐,點知找左几間,唔係話full晒就話無得打,我的天呀.......最後去左吃壽司,間野好少人去吃,但又唔係話d野差,不過之後就多左人流,吃完我們去左兩個地方玩冒險樂園,玩左几多錢已經不記得,但可以講今日成績好好,到左十點几黃毛陪我等啊沈,之後我同她返西環,黃毛今晚要自己訓啦,返到去西環,我們不停甘傾計,傾到成凌晨兩點先訓,大家都好耐無見,她係我中學識到依家,都有七年几啦,轉眼間大家都已經二十几歲,出來做野,拍拖,可能過多几年做人媽媽....

      晚上和gigi,maggie,kyle,jim,alex,wilson,ween一起去打桌球,未打之前我們去左吃包,間野聽聞好受歡迎,吃落去都ok,而且價錢好低,下次等我同黃生去吃,之後去左黃埔,間野好大,而且不會話好雜,我係第一次打的,經過wilson和maggie教導,我識打小小,玩到十點几,大家都坐車回家,我返到屋企都係十一點半,經過今晚都覺得這個活動可以舉辦几次.

      今日一到六點閃人,如果唔係她,我都唔會六點走人,好彩我係約定時間趕到,見到啊珠瘦成甘,唔知開心定係傷心,她依家個樣得確靚左,但她的感情事令到她變得成熟,我們去左吃飯先,以前她好吃得,但依家吃小小野就話飽,見到她甘,我真係唔知講咩好,只係希望她開心返,無論她做咩決定,我都會支持她,我仲陪她去睇鞋,陪她去睇衫,做為朋友我只可以做依d野,其它事都要靠她自己,下次見到她果陣,希望她少講"煩"字...哈哈.....

      今日起身仲係流鼻水,前日做姐妹凍到病,打算今日去睇醫生,日頭我不停甘訓,晚上約左Maggie吃飯和睇電影,今次我們會睇"27宜嫁",套戲都几好睇,而且有d位可以笑下,我覺得個女仔好靚,特別是她的頭髮,其實依個世界有無人真係做左27次伴娘甘多呢?人地話做伴娘超過三次,第時會嫁唔出,睇完之後,我就坐車返西環.

     今日好開心,終於等到依一日,我一早五點几起身,約左啊羅和娥姐六點九係九龍公園等,好耐都無甘早起身了,媽咪仲送我去坐車,早上的天氣真係好凍,大家到齊之後馬上去酒店,一入去見到化晒妝的Tracy,突然間見得她大個女,我們几個馬上換衣服,之後玩新郎,因為間酒店離註冊處好近,我們都係行路過去,仲見到d舊同學,他們十年都無變,跟住見全部人見證他們在宣讀下,幫對方戴上結婚介指,正式成為合法夫婦,中午大家去飲茶,下午的時間係自由時間,我同啊羅約左同學去唱K,可能太過累了,係k房訓左陣,六點我同啊羅閃人,晚上要同TRACY他們吃飯,啊娥因為有事係九點几左右走左,我同啊羅十點几閃人,我對腳無晒力,本來話坐巴士,最後頂唔住坐的士回家,希望今年會有個鼠BB出世,祝他們白頭到老.