今日八點几出門,準備去坐車過元朗,今次係我第二次過去,本來同他約好左到大欖打給他,點知不記得,結果我落左車等左他三個字左右,早餐我們去左吃河粉,吃完就坐車過去濕地公園,上年我都係依個時間去,果陣我係同d朋友,我們十點几就去到果度,以為可以見到貝貝,點知他就去左避暑,仲見到好多鳥,行到我們不停甘流汗,行到一點几我們就閃人,於是返左他屋企坐左陣,下午三點几又出發了,我們係附近吃雞肉串,間野真係好好吃,等老闆娘燒果陣,突然有几個警察出現,不到十分鐘就已經有十几個啦,藍帽子都出動,於是我們一邊吃一邊等睇好戲,突然睇到入面有男人吵的聲音,好奇心的我根本無打算走,照等,結果都係見不到果個男人的樣.

      四點左右我們坐車去皇崗,我第一次經落馬洲返深圳,黃毛不停叫我估d車大約几多分鐘到目的地,次次都估錯左,到左皇崗,以為好似羅湖甘,一出到去就可以見到地鐵,點知問左警察,先知要行三個字,於是去行,其實我對果度一d都不熟悉,一邊行一邊問人,我估我們行左差不多一個鐘先見到地鐵,下次都係過羅湖好,我們去東門,行左陣街,仲去左百佳買咪明天的餸,八點几去左吃泰國菜,點知見到我表姐,傾左陣計,她就閃左人,於是我們坐下吃飯,九點几吃完之後,就坐的士過貝麗花園找少慧,係東門坐的士,最重要係快,見到的士即上,每次我都會好似d深圳人甘用奸手法,本小姐可是深圳人,上左車同個司机講去貝麗花園,點知行到一半,他原來不識,好彩我仲記得d路,話他知點行,其實他想帶我們遊花園,知我們不是深圳人,差不到十點先見到少慧,她個肚大左好多,心情都好靚,仲同老公一起散步,幸福小女人,下個月她要生啦,真係替她開心,最後我將d野給她左,仲陪咪她返屋企,我們就閃人,我仲帶黃毛睇我以前住過的屋,仲同我講左我係這個地方生活的事,之後我們坐的士返香港,返到西環已經十二點几啦,非常累,但今天真的好開心,學黃毛講"見到少慧我會好開心,特別係她由小學識到依家,見她由一個學生,到出來社會做野,到她拍拖,再到她結婚,最後到她生bb做媽媽,真係一件好開心的事,而時間都見證這一切."明天又會多一個見證.

   平來今日放工係返屋企吃飯,在四點几收到Maggie電話,她給人放鴿子,於是同她去左吃飯,我們去左淘大吃,最近開左間壽司店,同板前同一間公司,好多人等位,我估我們都等左半個鐘,入到去就叫野吃,d野麻麻地,特別係蒸蛋,無拉拉多左粒湯圓係度,本來可以好吃,但有依d野就扣分啦,吃完之後我們就上左去冒險樂園,仲玩到人地關店,結果我的積分終於可以換到"電飯煲",於是開心到拿返屋企,多謝Maggie陪我去.

    放左工約同啊珠吃飯,我都好耐無見她啦,一見到她,我第一句"你瘦左",真羨慕她,不用運動都可以瘦,我們打算去旺角行下,去左"香格里拉米線"吃飯,間野我都好耐無去過啦,都几好吃,而且有好多小吃,吃完陪左她去睇衫,全晚我都係做陪客,什麼都沒有買,最後仲陪左她坐13D,平時係旺角我都係坐24返屋企,見她一個人甘悶,咪陪下她,又可以傾下計.

      今日天氣好好,於是我們八點几起身去吃早餐,下午去左游水,到左五點几,仲去左冒險樂園,都好耐無去過,每次我去都會望一望個電飯煲,再望望張卡的積分,離目標近左啦,今次成績一般,下次要努力啦,玩完我們過左中環,今晚去睇黃毛個朋友的女朋友表演,開頭我以為個場會几大下,點知係好細下,九點几就散場,有d人睇到喊,講真都几好睇,如果個場大d,佈景打扮下,我估會仲好,我和黃毛去左一間韓國餐廳吃飯,間野都几好吃,黃毛最喜歡吃炒年糕,吃完我們由中環行返去西環,雖然都几遠下,但吃完野行下可以消化,我好喜歡這樣的生活.

      今日我只係返半日,好開心呀,加上明天星期六又不用返工,一點我趕住坐地鐵去天后,見到黃毛之後,我們連飯都未吃,就要去金鐘做台證,好彩今日都唔係好多人,填完表交咪錢就ok,之後我們過左去尖沙咀,吃黃毛一直想吃的烏冬,好彩我們去吃果陣,d野仲未放工,好快找到味,間野真係好好吃,仲見到果個師傅,吃完之後,我們到處去行,行行下已經五點几,點知見到間"專業旅運",就去左報名,依家酒店已經book好了,晚上我們去左睇演唱會,今次係睇"張學友",張飛寫住八點十五,睇過甘多次演唱會,這次係最早開場,他已經係八點二十分開始,他的歌真係好好聽,有好多我都識,雖然有好多人都無起身(包括我們),但坐係聽都覺得好好,舞台劇果段我覺得几好,但黃毛就不太喜歡,最後他介紹d樂隊,原來打鼓手係恭石良,因為今次係三面台,我們係睇唔到打鼓手企果個位,仲有一個啊叔,學友話二十年前他第一次開個人演唱會,個啊叔已經幫他手,二十年後的今日,這個啊叔仍然幫他手,最勁係個啊叔已經六十歲啦....睇完我們坐車回家.