昨日睇報紙先知今日尖沙咀會有表演,由早上十點開始,於是同他一早出門,結果唔記扔垃圾和關冷風机,走返左上去一共係兩次,今次真係大頭蝦啦,吃完個M記早餐就落去尖沙咀,都唔係好多人睇,我們一去到就找到個靚位,上面有個橋擋住陽光,後面有間名牌店,一開個門d冷氣吹來好舒服.

      表演開始啦,有好多獅子舞來舞去,我仲不停甘摸它們,D龍就比較細條,記得小時候回家鄉,一到過年就會有人舞獅,每一次見到我都會好怕,怕它會吃我,多數我都係躲起來,依家見到它們就覺得靚,怕的感覺已經不見了,見到它們在我面前不停甘搖擺尾巴,我好想捉住它呀,哈哈....仲有D係小朋友來舞,好叻呀,起碼係甘熱天氣仲堅持落去,睇睇下有間電視台找我做訪問,當然無做到啦,因為依間電視台都唔係我屋企人睇果台,上左都無用啦,家人都見不到....講笑咋,係因為我怕羞....

    睇完個表演都仲係好早,於是我們係海港城行下,見到有攝影相睇,於是行過去,這相都係介紹這十年香港發生的事,而影這些相是記者,黃毛仲話几好睇,有D他一睇相就記得件事,但我反而慢人半拍,可能當時我仲細個....哈哈..我們仲當場投票,黃毛投左一幅兩個小朋友,一個拿住張博彩飛,另一個拿住張馬經,他仲話屋企有這張報紙,因為喜歡而保存到現在,而我投左以下這張....

 感覺到他對香港依依不捨.....另外一張係我覺得好搞笑.....就係九龍皇帝....這個人好出名,他不是有錢人,不是明星,但他成日係出面寫大字而出名,記得係我讀中三左右,我係回家路上見到他,當時我都唔知他係邊個,只係覺得奇怪,這個人係度寫咩呢,望左兩眼無理到他啦,回到家我問老豆,先知他九龍皇帝,前几年仲見他上廣告,依家就見到這張相,如果當時問他拿簽名都几好,真係蠢左啦...

    睇完相我們去左吃野,我行左一轉決定吃拉面,而他吃薄餅,個薄餅都几好吃,而且不會太過厚,我要左一碗拉面和一碗細飯,我一吃落去好好味,首先D拉面係手打,而且仲係日本師傅做,好好吃....連他都係甘講,D牛肉飯好香,而且時間長左點香味仲留係度,牛肉無咩脂肪,下次再吃過,而且最重要係不貴....

最後我們就几左陣回家,他仲送我返屋企,係車度我們到隻豬甘,實在好累....但好開心....今日真係好充實.....

    今日我又要做一個師奶,同他吃左早餐之後,下午時間得返我一個,依段時間我於是打掃下間屋,跟住睇下電視,我竟然會對曾特首和他的班子開記者會有興趣,睇完都係三點几,結果我拿部NDS係甘打,最近迷上大富翁依個GAME,五點半出門去SOGO找他,今晚我們會吃牛扒,好開心呀,本來打算係SOGO買,但仲貴過CITY SUPER,想都無想直踩去CITY SUPER,中途因我們都太過肚餓啦,中午一D野都無吃,見到有魚蛋,忍唔住吃一串,原來CITY SUPER仲係低D,我們買左一件牛扒和一件肉眼,仲有D意粉.......不知不覺返到屋企已經九點几啦,好彩今晚只係煮好少野,D牛扒香到連係洗手間都紋到,原來他係第一次煮,我覺得几好吃,下次我們要試下其他新野.

(早上去郵局收到煤氣單,都知係咩事,一打開我就不開心,我都知他比我更加心痛,如果想到後果,我估都不會叫人上來,見你不開心的樣,講真自己都會跟住不開心)

      昨日黃毛話連卡彿大減價,打算下午行下,點知D野好貴,入去買都係大陸人多,依家D大陸人仲有錢過香港人,個個都手拿住一袋袋名牌,之前我上網睇左一篇文,有個女仔走去買化妝品,點知無人理她,D售貨員就係甘sale大陸客,依家間間店都係做大陸人生意多,其實d售貨員有無想過自己係香港人,之後我們仲吃左個tea,第一次同他吃tea,吃到我飽,朱古力好甜,搞到我個口都係甜,本來我們打算回家,他送我去巴士站,點知係立法會果邊有人舞獅舞龍....睇完真係要回家啦,在巴士上我已經累到訓左陣,點知係九龍城,部巴士行一陣就停左,之後D燈關晒,我心想唔係又死火呀,離我屋企仲有十五分鐘,係死都要到啟業村先死,好彩無事,我今個月坐巴士已經試過巴士死火情況,依家有D怕怕,希望唔會發生啦.

    今日天氣好好,但都要返工,一早返到去到死,一放工我就坐車過西環,媽咪昨晚包左好多種,仲叫我拿八條給黃毛,但我偷偷地拿出三條,到左果度,第一時間醫好個肚,之後上返屋企,第一晚見到個袋.....多謝黃毛.....個袋係由荷蘭來到香港,我以後會好小心用它,跟住我們去冒險樂園玩左一陣,贏左好多飛,當我換到個電飯煲之後,我唔會再去玩啦,因為已經夠啦,不知不覺已經四點几啦,係時候要去香港公園,上次因為天氣問題,搞到未行完就被迫要閃人,今日就可以影多d相啦,黃毛仲教我擺姿勢,本來想去睇下溫室,可惜已經關左,最後我們去山頂,今次係我第一次去,好開心呀.....好多人都係因為睇景而上去,我們仲坐攬車,係甘斜住上去,一落車第一時係上最高位置睇香港夜景,好多人都係等依一刻,香港真係好靚,d高樓大廈就在我們眼前,感覺好似很近,本來黃毛話係山頂吃咪飯,但我死都不要,因為太過貴啦,晚飯我們係返左去西環吃,中途我仲贏左十蚊,話說我們去坐叮叮返去,甘有d人就同我打賭,叮叮會係邊個位置開門,甘我們就各選一個位子等,結果我贏左啦,哈哈.....

     今晚餐飯吃左我好飽到死,仲有d送未吃完打包走人,結果因為太過飽,返到去仲嘔左出來,我一吃得太過飽都會有甘反應,下次都係小心d好,訓覺之前我們仲傾左好多野,因為兩個星期無見,我將發生的事話左給他知,他仲話平時太過就我啦,要我乖乖地,我都知你對我好好,什麼事都會就我,教我去做,正如Tracy同我講,要好好珍惜你,真係好多謝黃毛....

D茶包好多種味道,係他由荷蘭拿給我們,仲有一盒腸子和即沖湯....

個公仔係上個月去荷蘭買給我,GUCCI袋係今次去荷蘭買給我.....

山頂望去香港的夜景....真係好靚....

      經過這几天的努力,我的日記又變得美麗,其實我都不想花時間去整,都慣自己手多多,話說星期日我係屋企想將加D野入去日記度,點知一按左"清理",個日記打返原型,什麼都沒有,心痛死啦,唯有重新來過,依家靚好多,雖然比不上人地日記,但我已經覺得好好,仲放左几張相上去,等下次有新相又加上去先得.我要加油,仲有几個月我的日記網址成立一年啦,我自己都估唔到我可以keep住甘寫下,仲有三日黃毛先返來香港,到時我要去香港公園和山頂玩.........希望今個星期六會好天啦.....