話甘快過年啦,今晚約左黃毛行花市,我一早放工就返屋企放低d野,飲完碗湯就出門坐地鐵找黃毛,今日先年廿九都甘鬼多人,一入到去人山人海,我都好多年無去過維圍,行到我累到死,我們買左兩個風車和一個豬仔,拿住去吃飯個個都望住,返到去睇睇下就訓左....

   今日係情人節,未到公司已經見到有人送花,點解情人節先送花,平時又唔見街度見到人送花???????我一放工就同Maggie係apm度買左朱古力,她送給Rowina,而我就送給黃毛,之前都送左件衫給他,但我覺得自己可以送d更好給他,我們就買料返西環打邊爐,如果係出面吃一定無位加上會貴到扑街,係吃途中黃毛係袋度拿左眼鏡,一條手鏈給我,這些都係我的情人禮物...多謝黃毛,我會好好保存住,仲有一盒乾魚柱係送給我家人...情人節快樂!!!!!

       好開心呀,今晚可以去睇草蜢啦,亦都係第一次同黃毛去,原來黃毛已經好多年都無去睇演唱會啦,他仲話我知心情非常緊張,哈哈....當我知道草蜢今年會開多三場,我即時上網訂飛,實在我好想睇,一入到就人山人海,終於開場啦,d燈果射得好勁,覺得自己去左disco,跟住快歌全場人都企起身,氣氛真係好好,至於嘉賓就有許志安,黃毛之前不停甘講千奇唔好有許志安出場,結果...哈哈....偏偏係依場出現....另一個係關淑怡,但我都不知算不算係嘉賓,事關她出現只係唱左一首歌,但一句野都無講過就閃左人啦,最後係軟硬...黃毛最喜歡他們,他們一出現令到大家都不停甘笑,其實我個手袋度有軟硬最新演唱會DVD...講真他們的演唱會真係好好睇,我覺得仲好睇過王力宏上年果場,HI到爆...型到死..好期待他們出碟....

   今日放左工約左几個同學一起去飲,肥基依個名我們已經叫左好多年,就算他結左婚,我估我們都會仍然甘叫他,一入到我們就不停甘影相,兄弟團都係自己友,個個穿上西裝特別不同,原來我們同學已經有三圍,真係勁,新郎仲唱左首歌給我們聽,不過係唱走音,仲見證肥基向老婆求婚場面,希望他永遠都甘愛他老婆.....

    今日放假真係好開心,我已經好耐無係平日放啦,下午同黃毛吃完野就去嘉年華,今個月去好便,每人都係$120,入到都不算多人,我們玩左六個机動遊戲,我覺得最好玩都係"激流",事關我係坐最前,見到向下滑,我已經忍不住講好驚,結果出到來我們都濕晒,玩撞撞車我不停甘向邊轉,黃毛仲笑我唔去撞人,見時間仲早我們拿住d幣去玩遊戲,結果拿左個魚仔返來,最後我們去左坐摩天輪,我係第一次坐,開頭都有d怕,始終都高,不停甘捉住黃毛,但坐坐下我都敢望出去,出面真係好靚,玩完我們就返去吃飯....