2007年兩件好事：

      中午吃飯果陣收到肥基電話,他宣佈在二月一日會同他女朋友結婚,真係替他開心,在甘多同學之間他係第二個跑出,仲有係他做爸爸啦,雙喜臨門.....希望他結左婚唔好成日搭住我,啊羅,彩虹個膊頭....真係好期待這天的來臨,今個月係我好姐妹結婚,到時又要去飲,十几年朋友轉下眼就要嫁人,有時我覺得時間都几恐怖,可以快到甘..恭喜你們...

   2007年的第一日,心情真係好開心,可以將d無用垃圾扔走,來一個新的開始,06年係我身邊發生左好多事,有開心有不開心,本來我打算寫出來總結下,但想想下覺得無必要,講明係上年發生,無必要帶到新一年,今年我要比上年更加努力,身邊的朋友可以開開心心,健康生活,我同黃毛永遠都可以開心在一起,這些都是我今年的願望....

                                                 ..

    今日係2006年最後一日,黃毛今朝就去銅鑼灣BOOK餐廳,打算今晚係餐廳玩倒數,下午我等他健身完先過去找他,果度簡直係人山人海,我們係時代廣場找袋,之前黃毛睇中左一個袋,他想找白色,可惜到處都無,結果係SOGO買左同一款但係啡色,跟住我們到處去行,其實都係消磨時間,最後我係金百利買左對新鞋,對鞋黃毛送給我,好多謝他,本來我話我自己給錢,但他不肯,有時買野成日都用他錢,我仲係覺得不好意思收,好彩他肯給我自己用錢買袋,但人地D店都關晒門,唉....時間剛剛好,我們就去餐廳吃飯,他個朋友一早到左,我們上到去,感覺都几好,可以睇到對面海,不過D食物就差,都無咩味道,下次打死我都不會去,不知不覺已經差不多十二點啦,個個都企起身對住對面海,跟住數字不停甘叫,一到零個個都對住身邊朋友講"新年快樂",最後給錢賣單,嘩.....貴到扑街,四個人吃成一千六百几,不好吃的東西都要這麼貴,簡直係垃圾,我甘大個女都係第一次吃甘貴的東西,一去到樓下就見到好多人坐車,我同黃毛選擇坐的士返西環,新一年希望個個都身體健康.

     今日返半日,係我由十月開始最得閑的一日,因台灣地震問題,公司個網上唔到,由昨日下午四點到今朝一張order都無呀,開心死我啦,一放工同d同事去大埔BBQ,去到果d都成三點左右,天氣非常好好,一得閑我,GIGI,Maggie,Quween不停甘影相,今晚我燒左好多野,仲見到好多野,Maggie不好彩坐左有蜜糖的椅子,萬聖節小朋友玩樂的一面,魚蛋發大,不知不覺都六點几啦,我同几個同事早走左,其實今次個BBQ都係一般,我都係喜歡上年聖誕節BBQ.

     今朝成十二點几先起身,起左身同黃毛去吃飯,之後六點几一起去街市買菜,好早之前我同他約定好今晚我會下廚,其實我自己都有d怕,平時係屋企頂多都係煮下公仔面,炒下飯,依家要煮菜同炒蝦,d材料買好左之後,我就係度洗,本來打算開始煮,但個電子爐一d反應都無,試左好耐都整唔到,於是黃毛就去附近實惠買個新電子爐,買到返都係無反應,黃毛已經好不開心,不停話做咩甘黑仔,我於是陪他去實惠問清楚,搞左一大輪先知原來係個平鍋有問題,又要買個新平鍋,依家屋企有兩個電子爐,見到黃毛白白無左三百几蚊,我都有d不開心,不過好彩我結果煮出來餐飯都几好吃,全部都給黃毛吃晒,因我不太舒服,洗完白白我就去訓左,其他果d手尾由黃毛負責,兩個人分工合作無論係几辛苦都覺得開心.