今日係中秋節,到處都見到燈籠,Maggie拿左只電燈籠返來,我仲借左來影左几張相,最可惜係無得早放,人地個個都有,做咩我們公司會無,晚上約左啊畢同啊生去睇戲,睇"無間道風雲",比預其中無甘好睇,之後三個人去左酒吧,我都好耐無去啦,唔知係咪人大左,無左果種劈心情,記得上年一個星期去劈一次,哈哈,一邊飲酒一邊傾計原來都几好,今年中秋都過得几開心,起碼我唔係一個人過,依家都凌晨三點啦,係時候要去訓,明天仲有節目,祝大家中秋節快樂.

    昨日同啊羅去旺角行街,真係好多人呀,我去左間專門店買左只收縮水,點知個SALE問我係唔係要美白,我頂..大姐你對眼係咪有問題呀,我甘白仲要美白來做咩,都唔知係咪有病,仲要叫我買多件會有積分卡,我根本都無打算要積分卡,講真我又唔係成日買,於是她一轉身我就扮鬼臉啦,哈哈,連啊羅都話她超煩呀.

    晚上Alfred同我們去睇煙花,未到8點已經封晒路,仲要封咪海旁,搞到我們要係sogo出面睇呀,等左好耐先開始,不過都值得,因為我已經好耐無係現場睇啦,加上氣氛都好好,真係好靚呀,特別係最後,不停有好多煙花放出來,睇完打算去坐巴士,點知要行到油麻地先有得坐,行到我腳都斷呀,今日過得好充實.

今日係星期六呀,又要返半日工,最後一日同Andy,Alex一起做野啦,返到公司仲以為無野做,點知做到無停過,Andy最後一次幫我們手,真係太感動啦,不知不覺已經一點啦,他們要離開公司,真係依依不捨,我仲收到Alex個email,睇完之後更加不捨得,仲有以後都聽唔到Andy講粗口,唔知星期一返工果陣會點呢,祝你們一路順風....中秋節快樂!

   今日係星期五啦,亦都係幫Andy同Alex薦行的日子,中午一行十几人去飲茶,大家都比之前叫少左好多點心,因為下午兩位主角請飲野呀,真係多謝啦.

    Alex過多几日要同老婆去澳洲生活啦,不知几時可以見到你,到時都不知記不記得我們啦,Andy下個月又要去澳洲讀書啦,依個月來真係好多謝他,教左我好多野,去到果度唔好挂住飛車啦.

    晚上去打左邊爐,仲影左好多相,d相希望可以早d睇到,因為有好多都好搞笑,之後他們去睇電影,而我就坐車回家,返到屋企好眼訓呀,可能吃得太過飽啦.

近排吃左好多豆呀,搞到依家塊面生左d細豆豆,超不開心呀,希望快d消啦,都怪自己吃咩鬼豆,明天星期五啦,返咪星期六又放假真係開心,打算今個星期日留係屋企搞好d日記,Maggie話我日記無更新到,今次來個大改變,哈哈!明年打算轉下個Look,等自己靚靚,近排開心左好多,唔開心的事已經給我delete左,無必要為d無聊事而給自己停留,睇開左之後先知有d野根本係不值得,好彩有你陪係我身邊,令到我開心返,多謝..