今日一放工就返左深圳,約左一班好姐妹吃飯,過到羅湖都成八點啦,第一時間同黃毛報平安,我自己都好耐無一個人返上去啦,其實都有d怕怕,不過我個心一直想住快d見到她們,打給少慧,她原來一直到左,仲叫我快d過去救去,哈哈.....她話超肚餓,終於找到依個八婆啦,仲見到啊沈,於是無等啊燕我們就閃左去吃飯,一坐下就傾大家近況,成一年無見她們,我自己都想知她們過成點,以前傾來傾去都係學校d野,依家個個都出左來做野,當然係傾工作上的野,少慧下個月要結婚...真係替她開心,啊沈同啊燕都找到工做,啊沈仲拍咪拖,依家我們四個都有自己的另一伴,少慧手上仲戴住我送給她的"鴨",她已經戴左成六年啦,代表我同她友情一直都不變,同她做左十一年朋友,至於啊如因為要同人開台無來到,個死婆十年都不變,她連工都無做,聽講成日都去香港,但至於去香港做咩,無人知,她仲話係好事到時會講出來,吃吃下啊燕都來左,大家一邊傾一邊吃,不知不覺都已經成十點几啦,我們轉地方傾計,果個地方簡直係垃圾,d野都唔好飲,不過大家只係想坐下傾下計,都唔理依d小問題,最後我們十二點几閃人,我去左啊沈屋企度訓,今晚真係好開心,

    返返下工收到旅行社電話,竟然同我講酒店full晒組唔到團,有無搞錯呀,我即時同黃毛講,黃毛就打去話轉去古兜,本來我都無意見,但聽完Maggie話,她個朋友去過都不好玩,溫泉都不太乾淨,死啦...放左工就同黃毛上旅行社問詳情,好彩黃毛仲未簽名仲可以改,最後我們決定去番禺玩,雖然我之前係去過,但我自己都仲想去多次,黃毛同我講"今年係我們第一個聖誕,唔想連去旅行都去不到"因為甘他係特別著重,我自己都好想快d到依日,一來可以去玩,二來係有几日都可以不用見到老板,仲不用給他煩住,想到都開心死我啦...哈哈.......

  今朝天氣都几好,一早起身同黃毛吃早餐,好耐無係M記享受早餐啦,本來打算叫熱香餅套餐,點知給黃毛叫左,只好叫另一個餐,平時返工都無時間係M記坐得吃,頂多都係拿返公司吃,吃完過旺角,十一點几旺角係好少人流,我們可以慢慢去行,睇野又唔使同人迫,黃毛睇中左對鞋,於是我送給做聖誕節禮物,都未到聖甘快就送野給對方,睇來我們都係白痴...哈哈....之後去左新世紀行左陣,只係一陣到我有收穫啦,買左一件衫同一條裙,再次多謝黃生的支付.........講笑咋...多謝黃生送的所有禮物...

    今日我仲要返半日,返到公司先坐得一個鐘就收到條扑街三個電話,點解連星期六都唔放過我,一見到來電係他,我就好嬲....希望下星期會順利渡過啦...下午又約左黃毛出去,本來我一點放工,但我想留係公司做野,仲可以等咪黃毛放工,做做下已經四點啦,黃毛不停甘叫我過去他公司,他話唔想我係公司做甘多野,於是我就放工過去同他吃下午茶,吃完黃毛話帶我去坐電車,因果陣已經五點几,見到電車甘多人我們轉坐地鐵,去到灣仔我們第一時間係買聖誕飾物,係勁多人去買,之後坐電車返西環,我就負責幫聖誕樹打扮得靚,話晒今年都係我同他第一次過聖誕,黃毛就去洗雪櫃,搞搞下都已經十點几啦,於是去吃晚飯,這個周未我就係甘過啦.......

    今晚約左Tracy吃飯,我都好耐無同她單獨去街啦,突然想起黃毛晚上係旺角打机,於是係msn度問他同不同我們吃飯,他話無問題,於是我7點係旺角等他,因Tracy剛剛放工,行過來旺角都要半個鐘,所以我同黃毛行一陣,去左几間手机店睇手机,他話買部手机給我,但我覺得唔係几好意思收,雖然我同他都係男女朋友關係,但點講部机都成二千几,於是我答他下次先買啦,之後Tracy到左旺角我們三個去左吃西餐,三個人一邊吃一邊傾計,Tracy同黃毛都係第一次見面,好在他們都有話題,總算唔會令到今晚餐飯局甘悶,Tracy不停講我d笑話,又話我成日講野唔正,搞到每次見到我都有笑話,黃毛都笑咪一份,吃完都成十點几啦,黃毛話回家,叫我陪下Tracy去shopping,點知Tracy叫我去追黃毛,叫我陪他,結果我都係去追黃毛,當然我係偷偷地跟係他後面,結果都給他發現,條友仔原來走去買手机給我,最後我都接受左依份禮物,踏入十二月份的第一日,已經收到聖誕禮物,我好開心,因為我覺得今次自己係選對左,明年聖誕節希望他仍然在我身邊陪我......多謝黃毛....