放左工同黃毛去左九龍城,我已經有四年無踏足過這個地方,好彩條路都無咩變到,原來黃毛未來過九龍城,於是我來帶路,一邊行一邊留意周圍的店舖,九龍城已經變成美食天堂,到處都見到不同口味的食店,最多係泰國菜,本來打算找一間試下,但想到今晚要煮意粉,就無吃到,九龍城廣場比以前少左人流,加上d店都無咩特別,但又給黃毛買到野,仲搞出個笑話,話說我們係2%行,依間2%都好大間,甘我們分頭睇衫,點知黃毛走來,我睇住他手上拿的兩件衫,我說"你又拿返依兩件衫,咪之前你睇中果兩件"他說"係呀,我好喜歡!"好似一個小朋友見到喜歡的玩具,拿住玩具同媽咪講想買的情形,最後他買左一件,另一件碼數不適合他,今次你仲唔死心....哈哈!!!!!!跟住吃完個tea坐車返西環煮意粉,可能我放得意粉多過頭,結果係吃唔晒,仲係淡過頭,好彩整左雞扒同咪蝦......又是一個開心的星期六......

    聖誕節已經過左三個星期啦,2007都已經到.............為何聖誕樹仲會見到呢???????

今日啊柏走來問我 "cathy,新年都差唔多到啦,你棵聖誕樹打算几時收呀"...哈哈....其實我都好想收到它,但收它要好大工程..記得前年棵聖誕樹係過左年先收,打算明天整走它,唔知公司聖誕樹未收呀,就連西環果棵都未,等我今個星期過去收先得......唔知今年的聖誕節會不會同大家一起過呢...真係好期待....依家先一月,甘快講十二月...可能會太早,但時間會過得很快.....本人已經體驗了....

   上星期尾已經開始行路返屋企,平時成日坐係公司度做野,都好少運動,加上我d血液有時流唔通,搞到成日手手腳腳凍,於是決定行路回家,今晚同黃毛去鑽石山行,我們又有大收穫,他買左件外套,而我買左一條裙,試裙果陣見到自己個肚大左....唉...睇來我都係吃少d先好,差到十點几,我們行路行動開始啦,由鑽石山出發,經過牛池灣,穿過坪石,最後當然係我的家家啦,我們用左九個字先到,原來同我平時返屋企時間差不多,我要有耐性甘行下去.......一定要成功!!!!!!

    晚上我同Tracy,啊羅,啊丘,巧兒去吃韓燒,最先去到係我同Tracy,我們一坐下就去拿熟食,見到甘多煙吸都吸飽,無几耐啊丘帶住啊b來,我都係第一次見啊b,啊b好得意,不過好喜歡到處搞亂野,仲將杯豆漿倒射,連啊丘都給整濕左,太不聽話啦,跟住我們又開始傾下以前讀書發生的事,不知不覺啊丘要帶啊b走,她走果陣仲話賣左單,她十年都不變,總是喜歡找數,次次大家出來她都係會給晒錢,之後你給返她,她一定不會要,她係一個不喜歡計較錢,吃到十點几我們就散會,今晚真係好開心...

    今日不用返工,訓覺訓到成十點几...超爽....下午自己一個人睇"命運自選台"....之前係西環開極都開唔到,我係屋企一開就無問題,個故事好感人,帶出左一個信息,無論工作上點忙都好,都要拿出d時間陪自己家人,朋友,唔知睇過的朋友之後會不會拿出時間陪家人呢?定係睇完就算呢?晚上我將依個故仔話左給黃毛知,其實我都想他可以多d陪家人吃飯,傾傾下黃毛就帶我去天光運動場,去到之後我自己一個人係度睇人打鐳球,點知黃毛行過來同我講,原來他記錯時間,今日係無得打比賽,結果我們就去返旺角吃飯,行行下見到有間酒家九點過後打邊爐會便d,於是我同他上去吃,一坐下我不停甘叫野吃,想吃魚片,金菇,雞片都沒有,結果只好吃魚頭,間野一d都不好,下次打死我都不去,連茶位都要每位$8,仲有調味料都要每人$8......吃完之後坐車返西環,坐到我全身都不舒服,上到去仲嘔左今晚果餐出來.....一個字"苦"...