一早起身就同啊沈和啊渣去飲茶,唔知點解我會喜歡係深圳飲茶多,係香港叫我去我都不想去呀,吃完之後就各自散,我即刻趕去羅湖口岸,今日maggie,gigi,rowina都過來深圳玩,結果我係遲到...哈哈....rowina仲帶左個朋友過來,吃完野我們一人五行去新書城行,我都未過去,去到我們不停睇下有咩書適合書,結果我買左本低B書...GIGI買左几米,去睇影碟...有好多都想買,特別係"宮",之前我都睇過但我仲想睇多次,實在是好好看,但Maggie叫我唔好買,怕海關會查到,結果我無買到,打算係香港找,之後去左東門行左陣就修甲,我同GIGI都不用錢,我修完等於無修到,D指甲都花左....本來打算話去吃小肥羊,因時間關係去左吃印度菜,五個人每人都係六十几蚊,D野都OK.....仲叫左好多野吃,最後我們的行程完左坐火車返香港.....個個都好累....不過都好開心....

     今日一放工趕返深圳,下午同左表姐吃左d野之後,就坐的士去深圳大富豪,今晚係我一個好姐妹結婚,同她識左十几年啦,她的結婚大日子我點都會去,啊渣係樓下等咪我一起上去,一入到去就見到女主角,她好靚,笑容上帶住幸福,仲見到啊如同啊沈,吃野方面就麻麻啦,見到新娘不停給人對酒,飲到面同背脊都紅晒,九點几我們就散左,走果陣仲同少慧影左几張相,突然我見到少慧手度仲帶住我送給她手鴨,她同我講,只鴨她已經帶左六年啦,不捨得脫下,一句說話令到我差點流眼淚,我同她雖然不可以成日見,一年只會見過几次,但我們的友情就好似這只手鴨永遠都不會變.

      散完場我們几個就去左飲野,仲傾下大家以前讀書的生活,最後我同啊沈去左啊渣屋企度訓,可能吃得不夠飽,我們三個穿住睡衣加件外套就去左吃消夜,好耐無試過甘啦,吃完我們返去,仲不停甘傾計,傾傾下我已經訓著........

    成個星期無見黃生啦,之前在msn同他講我面上又生蒼蒼,連嘴角邊都有,搞到我失去信心,講野又要就住來講,把口張太大會痛,來近下星期我仲要去飲,甘個死樣點見人,黃生見到不停叫我唔好吃熱氣野,依家我真係要戒口啦,下午我們去左租碟睇,租左隻"3分鐘先生",之前聽Maggie講話ok,果然係好聽,最後一part我仲流眼淚,連黃毛都不知,九點几我們去左吃一間新開的壽司,依間野係上星期開,我們等左五分鐘就有位,服務態度都几好,d野都几新鮮,雖然我們無吃到拉面,但叫附近d人叫,都好大碗,兩個人一共吃了HK$290,我同黃毛都覺得依間野好吃過"和花亭",間野叫咩名我依家不記得啦...哈哈.....下次我們再去吃過....

    上星期同Maggie傾好左會去吃烏冬,終於等到今日啦,我同她都好耐無一起吃Dinner,放左工直接踩去尖沙咀,一落到樓下就有車,連等都不用等啦,下了車我根本都不曉這個地方,Maggie教我去記,到依家我只係記得"公主酒店"...,之後同Maggie去按完錢就去吃,果間野真係好好吃,d烏冬好滑,湯底夠晒味,吃完都係八點几,真係早,於是Maggie帶我到處去行,我仲係"Very"度買左間衫,原來尖沙咀都好多野行,以前我覺得尖沙咀來來去去都係几間大型商場,但今日我終於知道有几條街都有好多衫褲買,見大家都口渴,去左許留山飲野,我點左"多精",Maggie點左"多子",兩個加起係接著我們見仲有時間去碼頭散步,找左個地方坐下,望住對面的大廈,感覺好舒服,不知不覺都十點几,於是我們坐車返去,但中途發生左件恐怖事..有三條友行我們前面,仲不停轉個頭笑,開頭我都要笑,但知道出事啦,拿拿聲同Maggie加快腳步走啦,點知有一條友跟住我們後面,我們走呀走呀,結果不見了他,好彩大家都無事,平安的回到家中訓覺....好多謝Maggie做左我一晚的導遊,帶我行晒成個尖沙咀....下次可以帶黃毛去吃果間野..

     因今日他要去科大影相,我們一早起身去吃早餐,吃完之後去坐巴士,本來打算坐"101",結果改坐"113",坐左成一個鐘先到"彩虹",同返深圳的時間差不多,這部車不停帶我們遊花園,何文田->九龍塘->東頭村->黃大仙->彩虹,當然唔止這個地方,只係做咩何文田不直接開去九龍城果邊呢,下次都係坐返"101",落左車綞過彩虹,同黃毛提起讀書時候的生活,仲見到我中學的學校,依家覺得間學校老左,外牆d顏色好舊,我已經四年無見過這間學校,之後黃毛坐車過科大,而我就回家,回到家仲訓左覺,六點左右收到他信息,原來他唔識係彩虹坐車回家,結果行過來我屋企坐車回家,我仲係屋企樓下同他行左陣,明天又要返工啦,又要給果d白痴仔煩住....