已經有半年無返深圳,今次突然間要返去都係因為有d野搞,本來黃毛話唔陪我返去,結果都係陪左我,好彩今晚返到去都算早,過關好少人,過到去首先係同bobo會合,我同bobo已經一年無見啦,她仲幫我訂左酒店,真係非常多謝她,一年無見她瘦左好多,從她眼神可以知道她返工好辛苦,希望下次見到她會係一個跳跳雜的bobo,之後一起去左小肥羊打邊爐,其實我係第一次去小肥羊,講真都几好吃而且仲好大碟,三個人吃左二百元有找,好便呀,多謝黃毛請吃飯....哈哈.....

      我們吃完由地王行去東門,仲見到好多人係度排隊抽獎,果陣都已經係晚上十一點几啦,深圳人真係瘋狂,十二點几我們都各自返去.....

     今晚慶祝黃毛生日,他話已經有好多年都無人陪他過生日,今年由我陪你...雖然係簡簡單單甘同你慶祝,希望你會開心,我們行左陣APM,本來計劃下個月去中山,點知睇到旅遊書介紹,打算去順德,黃毛仲送左對鞋給我,我好開心,我會好好珍惜你送給我D野,之後去左吃飯,仲叫左杯朱古力雪糕,同他一起唱生日歌,望下個表不知不覺十點几啦,係時候回家啦,他仲拿左我送給他份禮物返回家,份禮物希望你喜歡....生日快樂!!!

     今朝精神返好多,可以返工啦,但今日到黃毛病左呀,他一早打來話睇醫生,睇來他仲嚴重過我,可能果日吃左海鮮搞到甘,希望他快d好返啦,甘到時又可以玩啦...哈哈.........最近天氣涼左,大家都要好好保重身體....

     連續几晚的失眠終於頂唔住要病,返到來公司做左陣去睇醫生,好彩都唔多人睇,好快就睇完返屋企,黃毛知道我病左,一放工就趕到來,仲係屋企樓下等我,好感動,他仲陪我去吃粥,今晚依餐大家都吃得好清淡,之後行左陣就回家.....黃毛好好人呀.....

      今日天氣好好,十二點几同黃生坐船去長洲,本來仲以為可以係船度黑下,點知船上的人吵到好似街市甘大聲,落船仲要見到有人嘔的場面,唉......出到去見到好多船,黃生即時拿起相机影相,每條小巷都有不同特色的小店,黃生仲偷影店入面的產品,好彩都無給人鬧,一路上都見到黃生最怕的一樣野---狗,睇來長洲人生活真係 好嘆,行行見餓去左一間"肥妹"吃河粉,間野好好吃,我們仲坐係度享受風....大約四點几左右去左沙灘,本來係睇日落但點知太陽伯伯閃左另一邊,無太陽仲有海,對住個海真係好舒服,我們一坐就坐左三個鐘,黃生仲笑我對腳做美容做左好耐....哈哈......沙灘原來係有甘多野睇,有几對情侶不停甘kiss....kiss極都未完....最後我們去吃海鮮,吃完之後不停甘飲水,因為太過鹹啦....總結來講今日真係好開心,好輕鬆...下次仲想去玩...