今日黃毛不用返工,好開心呀,因平時他返工先陪到我一陣,下午約左他二點係旺角等,結果我又遲大到,他就去朗豪坊走住等我,一見到他,他就話想買返之前睇中果件衫,結果他買到啦,之後去左買電子爐,本來話去日本城買($399),結果係豐澤度找到個做緊特價($199)...便到死,下一個目標係旅行社,我同他都報左團係聖誕節去玩,雖然唔係咩名貴地方,但今年係我同他第一個聖誕節,去邊度我都會開心,最後我們去左新世紀買左張雙人冷氣被...不知不覺都六點啦,.要啦啦聲坐車返西環,返到西環就係要買打邊爐的材料,搞搞下成九點先可以吃得,一邊睇電視,一邊打邊爐,係無人吵無人趕情況下打真係要好好享受,我們傾好左下次打邊爐一定要有蝦,等待下次....

    上星期黃生話買左飛,問他有咩歌手,他話不知,我心想會唔會係聽d啊伯唱歌,好彩都唔係,歌手陣容都几大下,有林憶蓮,古巨基,陳奕迅,軟硬天仙,何cc,衛蘭......晚上吃完飯行過去,原來係甘多人去睇,雖然果度無紅館甘大,但d氣氛好好,今次係我人生中第二次睇演唱會,聽完Eason現場唱Live真係好聽,下次他開演唱會我一定會去,仲打算同黃生去,不知不覺都十一點啦,兩個半鐘show已經完了,好多人都會低睇,時間長,價錢便,加上多歌手表演.....good....

   今日又要返工啦,幫啊柏整咪d碟都已經係下午二點几啦,於是見早返屋企休息下,點知我訓下訓下覺,黃毛打給我話他放工,死啦.....我訓過頭唔知醒,拉拉聲化好妝出門口,五點几上車,成六點半先到西灣,部車慢到死,又多人上落,搞到黃毛等我成一個鐘,之後吃咪野都成九點,買定d野上去打掃,雖然間屋係無人住,但我想整得靚d,等下次黃毛住都住得舒服,本來d水好清點知一下子都黑晒,睇來依間屋都已經好耐無打理過,打掃完之後都成十一點几啦,間屋終於有返d人氣,坐係沙發上全身都累,最後我們出左去吃甜品,黃毛仲帶我到處行下,雖然d鋪頭都關左門,發覺晚上係特別寧靜....

    昨天從朋友口中得知好朋友要結婚,在朋友之中我係最後一個知道,她們都話我太耐無返去,之後從另一個朋友口中得知十年無見的普通朋友在前几個月過身,我聽到好不開心,雖然係甘多年無見,但我仍然記得細個同他玩得情景,希望他在另一個地方會過得開心,原來有好多事情我都係不知,可能朋友說得對,男朋友都說我應該有時間找她們玩下,朋友係要keep住連絡,而我就好少,以後我一有時間會過去探她們,計劃下個月返去一次.....

     訓醒已經十點几啦,黃毛話想飲杯咖啡,於是我們坐係一間coffe shop度,在陽光照射下一邊飲咖啡一邊吃cake,果間野d cake我好喜歡,不會太甜,仲有咖啡味道,十蚊就可以吃甘好的cake,吃完之後同黃毛行去書城,嘩........買書有折扣呀,黃毛最想買d影相書,結果他買左好多本,大收穫,而我都買左兩本打算返香港睇,真係好便呀,跟住過東門吃壽司,吃完去見一見好朋友少慧,最後我們坐車回香港,我同他都已經累到得返半條人命,我係車度仲訓左一覺,今晚一定好好訓....多謝黃毛陪我,