今日全日都陪黃毛,早上我要返工,而他就去健身,下午我們去左Maga Box,係德福坐免費巴士,開左甘耐都係第一次去,之前聽朋友講,話無咩野好行,但去到見到好多買衫的店,我仲同一個好高聖誕樹影相,而且我覺得都几大下,仲見到陳曉東係度做訪問,他個樣老左,而且無以前甘可愛,行到六點几,我們坐返車回德福,之後坐車去尖沙咀,一到就見到海港城的佈置,好靚....影左几張相,晚上去吃壽司,兩個人吃左三百几,最後打算去坐車果陣,先發現黃毛個手机公仔唔見左,於是我們到處找,結果都係找不到,他好失望,等我下次返深圳買返個給你.

    好開心呀....終於見到我的偶像 (城城),我讀小學已經很喜歡他,每次在電視看到他跳舞,我就眼都不眨,他真係很棒...其實有大部份的歌我都已經聽過,今晚非常好看,特別是舞台,360度轉,看到他不怕危險的走來走去,嘩了一聲,他一邊跳一邊唱,很有氣.....最後踢水一幕,非常SEX....雖然換衣服的時間比較長,但整體來說非常之棒,加上我們這次訂的位置都很好,因他的舞台是360度,大家都可以看得很清楚,看完之後,坐車回家了,下次看他的演唱會,不知要等什麼時候呢,到時我要離他近一點...哈哈.....

     今晚去會展睇演唱會,上年我們都有去睇麥當勞演唱會,今年好睇好多,十一月頭先看完EASON演唱會,估唔到今晚又見到他啦,他唱現場真係好好聽,連黃毛都係甘講,仲有軟硬,因為他們黃毛先會去睇,仲有TWINS和容祖兒....她們令到我呆了,最後有華仔...睇完之後,我們坐車回家了,明天又要HI爆...

      今日一早就出門返深圳,早上我本來約左BOBO,名士閣飲荼,點知名士閣不舒服就無來,得返我同BOBO,於是去左吃飯,我和BOBO已經一年無見啦,雖然我們好少連絡,但在我心目中我都當她係好朋友,同她一邊吃飯一邊傾計好開心,她係一個義氣女,講心不講金,識得她真係要多謝名士閣介紹,之後我仲去左她屋企坐左陣,她仲送左綠豆餅給我,中午我去左少慧屋企,一入到去就見到她媽咪和她婆婆,當然仲有BB,個BB好得意,好細個,望左陣他就訓左,之後啊沈同她媽咪都過左來,除左我之外,全部都係潮州人,不停甘講潮州話,搞到我一句都不明,成個下午都好熱鬧,四點她們都家長回家,得返我們几個,又開始講BB,六點左右我就坐車返香港,今晚黃毛煮飯給我吃,返到去洗完白白就吃飯,雖然今日行來行去好累,但真係好開心.

     今日係我的男人生日,他由今日開始已經脫離二字頭,我前几日已經訂了一個蛋糕,我放左工就拿住返西環,四點几約左他係銅鑼灣睇戲,我們今次睇"鐵三角",入到去未開始我已經黑眼訓,好彩套故事唔係太差,都令到我提起神來看,"鐵三角"是講三個男人找到值錢東西,之後好多人加入,最後三個男人都放棄這件東西,整體上都只係算一般,看完我們行左陣時代廣場,仲買左d BB衫給少慧個仔,下星期六會過去探她們,八點几我們去左吃越南菜,這間野我們都未試,今次係第一次吃,都几好吃,這餐是我請黃毛吃,之後我們坐車回家,到左十一點几,我們拿出蛋糕,同他一起唱生日歌,正式踏入三字頭了,每年生日我都會同你渡過.