知唔知世上最陰毒嘅係乜嘢招數？其中一樣係插眼。我就係咁受傷。

話說星期六睇完書展返屋企，同我個寶貝姪女玩嗰陣，佢忽然使出呢招，我一時無從反擊，就硬食一嘢，以為只係痛一陣就無事，點知到夜晚情況都冇好轉，而且仲越來越痛，唯有去急診室求診。嘩~原來隻眼有事，係會被分配到「緊急」嗰個類別嘅。

望聞問切，醫生先睇睇我嘅「傷勢」，問明原因，就開藥比我，叫我禮拜一去專科睇醫生。真係有效率~！喺急症室睇醫生一個鐘都唁駛喎！

依家(星期一朝早)我隻眼仲好痛同腫到隻牛眼咁... 勁樣衰 ...

有感：醫生有時好有想像力，我話同「小朋友」玩受傷，佢就喺封referral letter寫我同「her child」玩，「he 」插我隻眼。其實係同「her niece」玩同「she」插我眼。