電腦係我嘅死穴，所以就算只係剩番一隻眼用得，我都要開電腦。不過就係用唔得耐。

今日一大行程 - 去醫院睇醫生。原來有好多人睇眼科，不過還好我封信有「PRIORITY」(全大寫)，所以唔駛等好耐。只係來回醫院之間要行嘅腳程，令我頭暈眼花，又熱喎，如果唔係隻眼仲痛，我返工好過。

下晝，就係一直瞓瞓瞓... 夜晚又瞓瞓瞓... 終於又再腰酸背痛。養傷，其實越養越傷...